तिरुपती मंदिराच्या ७४३ कर्मचार्‍यांना कोरोनाची लागण आतापर्यंत ३ कर्मचार्‍यांचा मृत्यू


वृत्तसंस्था / अमरावती :  लॉकडाऊन नंतर ११ जून रोजी  आंध्र प्रदेशमधील  देशातील सर्वाधिक श्रीमंत तिरुपती मंदिर सुरू करण्यात आले. त्यानंतर मंदिराच्या ७४३ कर्मचार्‍यांना कोरोनाची लागण झाली आहे तर आतापर्यंत ३ कर्मचार्‍यांचा कोरोनामुळे मृत्यू झाला आहे.
 कोरोना काळात लॉकडाऊन जारी केल्यानंतर हे मंदिर ११ जून पर्यंत मंदिर बंद होते. ११ जून रोजी हे मंदिर भाविकांच्या आग्रहाखातर उघडण्यात आले. त्यानंतर मंदिरातील ७४३ कर्मचार्‍यांना कोरोनाची लागण झाली आहे. असे असले तरी आतापर्यंत ४०३ रुग्ण बरे झाले आहेत. तसेच आतापर्यंत ३  कर्मचार्‍यांचा कोरोनामुळे मृत्यू झाला आहे.
तिरुपती प्रशासनाने सांगितले की मंदिर सुरू करताना कोरोनाचे सर्व नियम पाळण्यात आले. सर्व भाविकांना सोशल डिस्टन्सिंगचे सक्तीने पालन करण्यात आले होते. ज्या काही उपाययोजना करण्यात आल्या त्याची सर्व स्तरांतून प्रशंसा करण्यात आली होती. फक्त मंदिर प्रशासनाच्या कर्मचार्‍यांना कोरोनाची लागण झालेली नाही. संपूर्ण राज्य आणि देशात कोरोनाचा प्रादुर्भाव वाढत आहे असे प्रशासनाने म्हटले. जुलैमध्ये देशभरातून २ लाख ३८ हजार भाविकांनी तिरुपती मंदिराचे दर्शन घेतल्याचेही प्रशासनाने नमूद केले. आंध्रप्रदेश  राज्यात १ लाख ३८ हजार ७१२ सक्रिय रुग्ण आहे तर आतापर्यंत २ हजार ३६ रुग्णांचा मृत्यू झाला आहे.




  Print






News - World | Posted : 2020-08-10






Related Photos