महत्वाच्या बातम्या

 वर्धा येथे भक्ती महोत्सवाचे आयोजन


- २० ते २२ जानेवारी २०२५ विविध कार्यक्रम

- राज्यातील नामांकित कीर्तनकराचे तीन दिवस प्रबोधन

- सांस्कृतिक कार्य विभाग, सांस्कृतिक कार्य संचालनालय महाराष्ट्र शासनाच्यावतीने आयोजन

विदर्भ न्यूज एक्सप्रेस 
प्रतिनिधी / वर्धा : सांस्कृतिक कार्य विभाग, सांस्कृतिक कार्य संचालनालय महाराष्ट्र शासन यांच्या वतीने राज्यातील लोककला, लोकपरंपरा व भक्ती परपंरा चे जतन व संवर्धन व्हावे तसेच नवीन पिढीला आपल्या उच्च संस्कृतीची व परंपरेची ओळख नव माध्यमातून व्हावी या उद्देशाने वर्धा येथे सांस्कृतिक कार्य विभागाच्या मार्गदर्शनाखाली भक्ती संप्रदायावर आधारित २० ते २२ जानेवारी तीन दिवशीय भक्ती महोत्सव आयोजन करण्यात येत आहे. सांस्कृतिक कार्य संचालनालयाच्या वतीने राज्यभरात विविध सांस्कृतिक कार्यक्रम व नावीन्यपूर्ण उपक्रमाचे तसेच सांस्कृतिक वारसा जपणाऱ्या लोककला, नाट्य, आदिवासी कला महोत्सवांचे आयोजन करण्यात येत आहे.

कीर्तन हे ग्रामीण भागातील रसिक प्रेक्षकांचे आजही प्रबोधन व भक्तीचे माध्यम आहे. भक्ती संस्कृतीचा विचार नवे माध्यमातून तरुण पिढीपर्यंत भक्ती  पोहचविण्यासाठी सांस्कृतिक कार्य संचालनालयातर्फे दरवर्षी कीर्तन-भक्ती महोत्सवाचे आयोजन करण्यात येते. यावर्षी भक्ती महोत्सव २० ते २२ जानेवारी २०२५  या कालावधीत वर्धा येथील सभागृह, सार्वजनिक वाचनालय मगणवाडी येथे आयोजित करण्यात आलेला आहे.

पखवाज मृदंग, टाळ आणि पेटीच्या साथीने सादर होणारी भजने, अभंग ही महाराष्ट्राची ओळख आहे. पारंपरिक लोकगीते, भजने आणि अभंग मौखिक स्वरुपात एका पिढीकडून दुसऱ्या पिढीकडे हस्तांतरीत होत आले आहेत. सामाजिक जडणघडणीमध्ये या त्यांचा मोठा वाटा आहे. वर्धा येथे आयोजित भक्ती महोत्सवाचे उदघाट्न सोमवार २० जानेवारी २०२५ ला होणार आहे. या महोत्सवात ह.भ.प. आचार्य महंत बाभुळगावकर बाबा शास्त्री, करमाड (संभाजीनगर),  ह.भ.प ज्योती जाधव, सिंदखेड राजा जि. बुलडाणा यांच कीर्तन सादर होईल. तर मंगळवार २१ जानेवारी २०२५ ला ह भ प प्रा गणेश महाराज भगत आळंदी, (पुणे) व ह.भ.प प्रसन्ना शास्त्री रिद्धपूर, अमरावती यांचं कीर्तन  सादर होईल. या भक्ती महोत्सवाचा समरोप बुधवार २२ जानेवारी २०२५ ला होणार असून बुधवारी ह.भ.प. मयुर महाराज, विश्वशांती धाम येळाकेळी, वर्धा, ह.भ.प.प्रकाश महाराज भगत वाघ क्षेत्र गुरुकुंज आश्रम, ह. मु. वर्धा यांच व कीर्तनकार व प्रवचनकर प्राची गडकरी, मुंबई कीर्तन सादर होईल.

भक्ती महोत्सव या कार्यक्रमात सर्व मान्यवर कीर्तनकार, प्रवचनकार यांची भक्तीमय वाणी ऐकण्यासाठी वर्धा भागातील रसिककानी उस्फुर्तपणे यावे हा कार्यक्रम सर्व-रसिक प्रेक्षकांना विनामुल्य उपलब्ध असुन जास्तीत जास्त रसिकांना या कार्यक्रमाचा आस्वाद घ्यावा असे अवाहन विभीषण चवरे, संचालक, सांस्कृतिक कार्य, मुंबई यांनी केले आहे.





  Print






News - Wardha




Related Photos