या राज्यातील दहावीची सर्व मुलं परीक्षा न देताच होणार पास


- ग्रेड देऊन पुढच्या वर्गात पाठवले जाणार

विदर्भ न्यूज एक्सप्रेस 
वृत्तसंस्था / हैदराबाद : 
परीक्षा न देताच दहावीची सर्व मुलं पास करण्याचा निर्णय तेलंगाना सरकारने घेतला आहे. राज्यात कोरोनाची स्थिती गंभीर होत असल्याने राज्य सरकारने हा निर्णय घेतला. कोरोनामुळे राज्यात एवढ्या मुलांची परीक्षा घेता येणार नाही असे राज्य सरकारने म्हटले आहे. त्यामुळे सर्व मुलांना ग्रेड देऊन त्यांना पुढच्या वर्गात पाठवले जाणार आहे. वर्षभरातल्या मुलांच्या प्रगतीवर त्यांना ग्रेड देण्यात येईल असं सरकारने म्हटलं आहे.
तेलंगानात आजपासून दहावीची  परीक्षा सुरू होणार होती. मात्र हायकोर्टाने कोरोनामुळे परीक्षा घेण्याला स्थती दिली होती. देशातल्या अनेक राज्यांमध्येही असाच प्रशान निर्माण झाला असून फक्त फायनलमध्ये असणाऱ्या मुलांचीच परीक्षा कशा पद्धतीने घेता येईल यावर विचार सुरू आहे.
अनलॉक १ नंतर देशातील अनेक ठिकाणी जनजीवन सुरळीत होण्यास सुरुवात झाली आहे. त्यामध्ये देशातील शाळांबाबत मोठी बातमी समोर आली आहे. HRD मंत्री रमेश पोखरियाल निशंक यांनी महत्त्वपूर्ण घोषणा केली आहे. ३ जून रोजी झालेल्या मुलाखतीत त्यांनी देशातील शाळा आणि महाविद्यांबाबत मोठा खुलासा केला आहे. कोरोनाच्या महासाथीत १६ मार्चपासून देशातील शाळा व महाविद्यालये बंद ठेवण्यात आली आहेत. ऑगस्ट २०२० नंतर शाळा व महाविद्यालये पुन्हा सुरू होणार असल्याचे त्यांनी सांगितले.




  Print






News - World | Posted : 2020-06-08






Related Photos