जम्मू-काश्मीरमध्ये नवा अधिवास कायदा लागू


विदर्भ न्यूज एक्सप्रेस 
वृत्तसंस्था / श्रीनगर :
देश करोना संकटाशी झुंजत असतानाच मंगळवारी केंद्रशासित प्रदेश जम्मू-काश्मीरमध्ये नवा अधिवास कायदा (डोमिसाईल ॲक्ट) लागू करण्यात आला. सरकारकडून जारी करण्यात आलेल्या नोटिफिकेशननुसार, जम्मू-काश्मीर पुनर्रचना आदेश २०२० मध्ये सेक्शन ३ ए जोडण्यात आला . यानुसार, राज्य किंवा केंद्रशासित प्रदेशांच्या रहिवाशांची व्याख्या निश्चित करण्यात आली. नॅशनल कॉन्फरन्स आणि पीडीपीसारखे राजकीय पक्ष या कायद्याचा विरोध करत आहेत.
दुसरीकडे, पाकिस्तानातूनही या कायद्याचा विरोध होत आहे. पाकिस्तानच्या परराष्ट्र मंत्रालयानं जारी केलेल्या वक्तव्यानुसार, 'भारतानं काश्मीरमध्ये लागू केलेला रहिवास कायदा संपूर्णत: बेकायदेशीर आहे. तसेच भारताने  संयुक्त राष्ट्र सुरक्षा परिषदेच्या दोन्ही देशांदरम्यान झालेल्या कराराचे सरळ-सरळ उल्लंघन केले'. पाकिस्तानच्या म्हणण्यानुसार, भारताचे  हा नवा रहिवास कायदा पाकिस्तानातली लोकसंख्या बदलण्यासाठी आहे. उल्लेखनीय म्हणजे, गेल्या वर्षी ऑगस्ट महिन्यापासून भारताने  जम्मू-काश्मीरमधून अनुच्छेद ३७० हटवल्यानंतर पाकिस्तान हा मुद्दा आंतरराष्ट्रीय स्तरावर उचलून धरण्याचा प्रयत्न करत आहे.




  Print






News - World | Posted : 2020-05-20






Related Photos