लॉकडाऊनबाबत पंतप्रधान नरेंद्र मोदी उद्या साधणार मुख्यमंत्र्यांशी संवाद


विदर्भ न्यूज एक्सप्रेस 
वृत्तसंस्था / नवी दिल्ली :
कोरोनामुळे देशातील स्थिती बिकट झाली आहे. कोरोनाचा प्रसार थोपवण्यासाठी लागू करण्यात आलेल्या लॉकडाउनमुळे आर्थिक संकटाने डोके  वर काढले आहे. त्यामुळे लोकांचा जीव आणि अर्थव्यवस्था अशा दोन आघाड्यांवर सरकारची चिंता वाढली आहे. या संपूर्ण चर्चा करण्यासाठी पंतप्रधान नरेंद्र मोदी यांनी राज्यांच्या मुख्यमंत्र्यांची उद्या ११ मे ला  बैठक बोलावली आहे. या बैठकीत निर्माण झालेल्या स्थितीला तोंड देण्याबरोबर लॉकडाउनच्या प्रश्नावर चर्चा होण्याची शक्यता आहे. या बैठकीनंतर लॉकडाउन वाढणार की आणखी दुसरा निर्णय घेतला जाणार हे स्पष्ट होणार आहे.
देशातील अनेक जिल्ह्यातून कोरोना हद्दपार झाला असला, तरी देशाची आर्थिक राजधानी मुंबईसह उद्योगांची केंद्र असलेल्या शहरांना कोरोनाने वेढा दिला आहे. या शहरांमधील कोरोनाचे  संकट अधिक गडद होत असल्याचे आकडेवारीतून दिसून येत आहे. त्यात तिसऱ्यांदा वाढवलेल्या लॉकडाउनची मुदत जवळ येत असून, या सर्व परिस्थितीचा आढावा घेण्यासाठी पंतप्रधान नरेंद्र मोदी यांनी राज्यांच्या मुख्यमंत्र्यांची बैठक बोलावली आहे. उद्या ११ मे ला  दुपारी ३ वाजता व्हिडीओ कॉन्फरसिंगद्वारे ही बैठक होणार आहे. या बैठकीत मुख्यमंत्री उद्धव ठाकरे यांच्यासह सर्व राज्यांचे मुख्यमंत्री सहभागी होणार आहेत. 




  Print






News - World | Posted : 2020-05-10






Related Photos