गोंडवाना विद्यापीठाच्या कुलगुरू निवड समिती सदस्यासाठी ऑनलाइन मतदान


- अशाप्रकारचा प्रयोग करणारे गोंडवाना विद्यापीठ हे राज्यातील पहिले विद्यापीठ 

विदर्भ न्यूज एक्सप्रेस 
प्रतिनिधी / नागपूर :
लॉकडाउनमुळे राज्यातील विद्यापीठांचे कामकाज ठप्प पडले आहे. अशात गडचिरोलीसारख्या दुर्गम भागातील गोंडवाना विद्यापीठाने ऑनलाइन तंत्रज्ञानाचा वापर करीत कुलगुरू शोध समितीच्या एका सदस्याच्या निवडीसाठी व्यवस्थापन परिषद व विद्वत्त परिषदेची बैठक घेतली. अशाप्रकारचा प्रयोग करणारे गोंडवाना विद्यापीठ हे राज्यातील पहिले विद्यापीठ ठरले आहे.
गोंडवाना विद्यापीठातील कुलगुरूपद सप्टेंबर २०२० मध्ये रिक्त होत आहे. त्यामुळे कुलगुरू निवड समिती स्थापन करण्याची प्रक्रिया राज्यपाल व कुलपती यांनी सुरू करण्याचे आदेश दिलेत. त्या शोध समितीत विद्यापीठाच्या व्यवस्थापन व विद्वत्त परिषदेतून संयुक्तपणे एक सदस्य निवडून पाठवावा लागतो. लॉकडाउन असल्याने या दोन्ही प्राधिकारणीची बैठक घेणे अशक्य झाले होते. कुलगुरू डॉ. कल्याणकर यांनी अमेरिकेतील नॅसडॅक येथील वेबेस्क मिटिग्स या सॉफ्टवेअरचा वापर करून मुंबई, नांदेड, बेंगळुरू, नागपूर, चंद्रपूर आणि गडचिरोली येथील तब्बल ३९ सदस्य ऑनलाइन कॉन्फरन्सद्वारे एकत्रित आणले. समिती सदस्यत्वासाठी एकापेक्षा अधिक नावांची शिफारस करण्यात आल्याने मतदान घेण्यात आले. ते मतदानही ऑनलाइनच झाले. गोंडवाना विद्यापीठाचे नाविन्यपूर्ण उपक्रम विभागाचे संचालक मनीष उत्तरवार यांच्या पुढाकाराने प्रोग्रामर प्रमोद बोरकर यांच्या सहकार्याने हे ऑनलाइन मतदान घेण्यात आले.



  Print






News - Nagpur | Posted : 2020-04-30






Related Photos