कोव्हिड -१९ प्रमाणेच ‘सारी’ नियंत्रणासाठी शासन सज्ज : सुभाष देसाई


विदर्भ न्यूज एक्सप्रेस 
वृत्तसंस्था / मुंबई :
औरंगाबाद जिल्ह्याचे पालकमंत्री सुभाष देसाई यांनी आज मुंबईत मंत्रालय येथे आरोग्य सचिव व संचालक, राष्ट्रीय ग्रामीण आरोग्य मिशन अनुपकुमार व वैद्यकिय शिक्षण संचालक डॉ.तात्याराव लहाने यांच्याशी जिल्ह्यातील करोनाबाधितांच्या तसेच वाढलेल्या ‘सारी’ बाधितांच्या प्रश्नाबद्दल चर्चा केली.  चर्चेअंती आरोग्य विभागाने ‘सारी’ प्रादुर्भाव रोखण्याच्या दृष्टीने ताप तपासणी दवाखाने सुरु करण्याचा निर्णय घेतला असून या ‘फिव्हर क्लिनिक’ च्या माध्यमातून ताप/ सर्दीची लक्षणे असलेल्या सर्वांची तपासणी व औषधोपचाराची व्यवस्था सर्व शहरांमध्ये व तालुक्यांच्या ठिकाणी करण्याचे नियोजन करण्यात आले आहे.  कोव्हीड केअर सेंटर सोबतच ही फिव्हर क्लिनिकही कार्यरत करण्याच्या सूचना देण्यात आल्या असून तत्संबंधीचा शासनादेश लवकरच जारी करण्यात येईल.



  Print






News - Rajy | Posted : 2020-04-13






Related Photos