कोरोना : नीट परीक्षाही अखेर लांबणीवर


विदर्भ न्यूज एक्सप्रेस 
वृत्तसंस्था / नवी दिल्ली :
  देशभरातील वैद्यकीय अभ्यासक्रमांच्या प्रवेशासाठी घेतली जाणारी प्रवेश परीक्षा NEET अखेर पुढे ढकलण्यात आली आहे. ही परीक्षा ३ मे रोजी होणार होती. ही परीक्षा MBBS, BDS आणि AYUSH अभ्यासक्रमांच्या प्रवेशांसाठी घेतली जाणारी सामायिक प्रवेश परीक्षा आहे. करोना विषाणूच्या फैलावाच्या पार्श्वभूमीवर देशभरात असलेल्या लॉकडाऊनच्या पार्श्वभूमीवर हा निर्णय घेण्यात आला.
केंद्रीय मनुष्यबळ विकासमंत्री रमेश पोखरियाल यांनी ट्विट करून ही माहिती दिली. नॅशनल टेस्टिंग एजन्सीला ही परीक्षा लांबणीवर टाकण्याचे निर्देश दिले असल्याचे ट्विट त्यांनी केले आहे. विद्यार्थ्यांनी लॉकडाऊनचा हा काळ घरी बसून परीक्षेची तयारी करावी असे पोखरियाल यांनी म्हटले आहे.
यापूर्वी जेईई मेन परीक्षाही लांबणीवर टाकण्याचा निर्णय घेण्यात आला आहे. ही परीक्षा ५ एप्रिलला होणार होती.
नीट परीक्षेची परीक्षा केंद्रे दूरवर असतात. विद्यार्थी प्रवास करून या केंद्रांवर येतात त्यामुळे या परीक्षेलाही लॉकडाऊन आणि करोनामुळे निर्माण झालेल्या स्थितीचा फटका बसेल याची दाट शक्यता होती. लॉकडाऊन १४ एप्रिल रोजी संपणार असल्याचे तूर्त निर्देश आहेत, मात्र दिवसेंदिवस करोनाग्रस्तांची संख्या वाढत आहे. परिणामी खबरदारी म्हणून ही परीक्षा पुढे ढकलण्यात आली.



  Print






News - World | Posted : 2020-03-28






Related Photos