मुडझा येथील जंगलात गळफास घेऊन परिचारिकेने केली आत्महत्या


विदर्भ न्यूज एक्सप्रेस
प्रतिनिधी / गडचिरोली :
गडचिरोली जिल्ह्यातील धानोरा येथील रहिवासी असलेल्या चंद्रपूर जिल्ह्यातील मूल येथील प्राथमिक आरोग्य केंद्रात कंत्राटी परिचारिका पदावर कार्यरत असलेली किरण खिरेंद्र मशाखेत्री (३३) हिने गडचिरोली शहरानजीकच्या वाकडी फाटा - मुडझा जंगल परिसरातील झाडाला गळफास घेऊन आत्महत्या केल्याची घटना आज, ३ मार्च २०२० रोजी उघडकीस आली. किरण मशाखेत्री ही धानोरा येथील रहिवासी असून सध्या ती सावली येथे राहत होती. दरम्यान तिने २ मार्च रोजी रात्रीच्या सुमारास गळफास घेऊन आत्महत्या केल्याची बाब उघडकीस आली. तिच्या आत्महत्येचे कारण अद्याप कळू शकले नाही. घटनेची नोंद गडचिरोली पोलिस ठाण्यात करण्यात आली असून पुढील तपास गडचिरोली पोलिस करीत आहेत.



  Print






News - Gadchiroli | Posted : 2020-03-03






Related Photos