चिमुरडींचा लैंगिक छळ करणाऱ्या महिला शिक्षिकेला अटक : गुप्तांगात टाकली पेन्सिल


विदर्भ न्यूज एक्सप्रेस 
वृत्तसंस्था / इंदूर :
  शिकवणी घेणाऱ्या एका महिला शिक्षिकेने दोन लहानग्या विद्यार्थीनींचा लैंगिक छळ केल्याचा धक्कादायक प्रकार उघडकीस आला आहे. इतकंच नव्हे तर या शिक्षिकेने या लैंगिक छळाचा व्हिडिओ आपल्या प्रियकरालाही पाठवला. पोलिसांनी शिक्षिकेला आणि तिच्या प्रियकराला अटक केली आहे.
वय सहा व तीन वर्ष असणाऱ्या चिमुकल्या मुलींचा लैंगिक छळ करण्यात आला. या दोन्ही पीडित मुली बहिणी आहेत. आरोपी शिक्षिकेकडे या लहानग्या मुली शिकवणीसाठी जात होत्या. मंगळवारी सायंकाळी दोन्ही बहिणी घरी आल्यानंतर लहान मुलीने आईकडे गुप्तांगात दुखत असल्याची तक्रार केली. गुप्तांगात जखम झाल्याचे पाहून आईने याबाबत विचारणा केली. त्यावेळेस चिमुकलीने आईला 'टीचर दीदी'ने केलेला प्रकार सांगितला. आईने मोठ्या मुलीलादेखील याबाबत विचारणा केली. तेव्हा मोठ्या मुलीनेदेखील आपल्यासोबत हाच प्रकार झाला असल्याचे सांगितले. महू पोलीस ठाण्याचे पोलीस अधिकारी अभय नेमा यांनी सांगितले की, आरोपी शिक्षिकेने मुलींचा लैंगिक छळ केला. छळ सुरू असताना वेदना होत असल्याचे पीडित मुलींनी सांगितल्यानंतर आरोपीने त्यांना कपडे घातले आणि पुन्हा एकदा शिकवण्यास सुरूवात केली असल्याचे पोलिसांनी सांगितले.
लहान मुलींनी सांगितलेल्या प्रकारानंतर कुटुंब हादरून गेले. त्यांनी शेजारी राहणाऱ्या या शिक्षिकेला मारहाण करत पोलिसांच्या स्वाधीन केले.



  Print






News - World | Posted : 2020-01-09






Related Photos