कन्हाळगाव येथील गुरे चारणाऱ्या इसमावर पट्टेदार वाघाने केला हल्ला


- इसम जखमी, पाथरी वन परिक्षेत्रातील घटना

विदर्भ न्यूज एक्सप्रेस
प्रतिनिधी / पाथरी :
वनविकास महामंडळाच्या पाथरी परिक्षेत्रातील कन्हाळगाव बिटाच्या हद्दीत येणाऱ्या कन्हाळगाव येथील गुरे चारत असलेल्या इसमावर पट्टेदार वाघाने हल्ला केला. त्यात सदर इसम जखमी झाल्याची घटना बुधवार, ४ डिसेंबर रोजी दुपारी ४ वाजताच्या सुमारास घडली. या घटनेमुळे परिसरातील नागरिकांमध्ये भीतीचे वातावरण निर्माण झाले आहे. प्रभुदास कान्हू मसराम (५५) रा. कन्हाळगाव असे वाघाच्या हल्ल्यात जखमी झालेल्या व्यक्तीचे नाव आहे. प्रभुदास मसराम हे जंगलात गुरे चारत असताना पट्टेदार वाघाने त्यांच्यावर हल्ला केला. त्यात ते जखमी झाले. घटनेची माहिती मिळताच वनविकास महामंडळाचे वनपरिक्षेत्र अधिकारी व्ही. डी. बारसागडे, वनपाल बी. एम. आलाम, वाय. एस. नान्हे यांनी जखमी इसमास तत्काळ प्राथमिक आरोग्य केंद्र गुंजेवाही येथे प्राथमिक उपचाराकरिता भरती केले. त्यानंतर लगेच रुग्णवाहिकेने जिल्हा सामान्य रुग्णालय गडचिरोली येथे पुढील उपचारासाठी दाखल करण्यात आले. तसेच वनपरिक्षेत्र अधिकारी यांनी जखमी इसमास उपचाराकरिता तत्काळ २ हजार रुपयांची आर्थिक मदत दिली.




  Print






News - Chandrapur | Posted : 2019-12-04






Related Photos