हत्तीच्या हल्ल्यात मृत्यू झालेल्या माहूताच्या कुटुंबीयांची आमदार किशोर जोरगेवार यांनी घेतली भेट


- मिळवून दिली तत्काळ ५० हजारांची मदत

- उर्वरीत मदत तत्काळ देण्याच्या सूचना

विदर्भ न्यूज एक्सप्रेस
प्रतिनिधी / चंद्रपूर :
चवताळलेल्या हत्तीने जानीक मसराम या माहूताला ठार केल्याची दुर्दैवी घटना काल चंद्रपुरातील ताडोबा येथे घडली. आज आमदार किशोर जोरगेवार यांनी वन अधिकारी यांच्यासह जिल्हा सामान्य रुग्णालय येथे जाऊन मृतक माहुताच्या कुटंबीयांची भेट घेतली. यावेळी मृतकाच्या कुटुंबीयांना जोरगेवार यांनी तत्काळ ५० हजार रुपये मदत मिळवून दिली. तसेच उदया ५० हजार रुपये मदत व शासनाकडून मिळणारी १५ लाख रुपयांची मदतीची प्रक्रिया जलत गतीने करण्यात यावी, अशा सूचना यावेळी जोरगेवार यांनी केल्यात. तसेच मृतकाच्या कुटंबातील एका सदस्याला नौकरी मिळेपर्यंत कुटुंबाला पेशंन देण्यात यावे, अशी मागणी जोरगेवार यांनी केली आहे. ताडोबा येथील गजराज या हत्तीने माहूताचा बळी घेतल्यानंतर गावातही भितीचे वातावरण पसरले आहे. आमदार किशोर जोरगेवार हे मुंबई येथे राज्यपालांची भेट घेऊन चंद्रपूरात परतताच त्यांनी जिल्हा सामान्य रुग्णालय गाठून मृतक माहूत जानीक मसराम यांच्या कुटुंबीयांची भेट घेतली. यावेळी वन अधिकाऱ्यांचीही उपस्थिती होती. जोरगेवार यांनी मृतकच्या नातलगांना धिर देत शक्य ती मदत मिळऊन देण्याचे आश्वासन दिले. यावेळी त्यांनी तत्काळ ५० हजार रुपयांची मदत मिळवून दिली. तर उदया ५० हजारांचा धनादेश देण्याचे वन विभागाने मान्य केले. यावेळी आमदार जोरगेवार यांनी शासनाच्या वतीने देण्यात येणारी १५ लाख रुपयांच्या मदतीची प्रक्रिया जलद गतीने करण्याच्या सुचना वन विभागाला केल्यात. तसेच वन विभागात मृतकाच्या कुटुंबीयांपैकी एकाला नौकरी मिळेपर्यंत कुटुंबीयांना उदरनिर्वाहाकरीता पेंशन देण्यात यावी,  अशी मागणीही यावेळी आमदार किशोर जोरगेवार यांनी केली. सदर हत्ती चवताळलेला होता. या अगोदरही त्याने माहूतावर हल्ला करण्याचा प्रयत्न केला होता. त्यामूळे वेळीच याची देखल घेतल्या गेली पाहिजे होती, असेही जोरगेवार यावेळी बोलले. यापुढे अश्या घटनांवर आळा घालण्याच्या दिशेने वन विभागाने उपाय योजना कराव्यात, माहुतांच्या सूरक्षेसाठी योग्य प्रशिक्षण देण्यात यावे, अश्या सूचनाही यावेळी आमदार किशोर जोरगेवार यांनी केल्या.



  Print






News - Chandrapur | Posted : 2019-11-17






Related Photos