मुख्यमंत्री देवेंद्र फडणवीस काय म्हणाले ? वाचा मुख्यमंत्र्यांची प्रतिक्रिया


विदर्भ न्यूज एक्सप्रेस 
प्रतिनिधी / मुंबई : 
विधानसभा निवडणुकीचा निकाल आज २४ ऑक्टोबर रोजी जाहीर झाला.   भाजपाला अपेक्षेप्रमाणे यश मिळालेले नाही.  निवडणुकीत भाजपाच्या मंत्री पंकजा मुंडे, साताऱ्याचे माजी खासदार उदयनराजे भोसले यांच्यासह अनेक मंत्र्यांसह दिग्गज उमेदवारांना पराभवाचा सामना करावा लागला. या निकालावर मुख्यमंत्री देवेंद्र फडणवीस यांनी आपली प्रतिक्रिया दिली आहे. महाराष्ट्राच्या जनतेनं महायुतीला स्पष्ट कौल दिला आहे. त्याबद्दल मतदारांचे आभार, असं सांगत राज्यातील दोन पराभव आमच्यासाठी धक्कादायक आहे. त्याचं आम्ही चिंतन करू, असं मत फडणवीस यांनी व्यक्त केलं.
विधानसभा निवडणुकीचे निकाल जाहीर झाल्यानंतर दावा केल्याप्रमाणे भाजपाला यश मिळालं नसल्याचं स्पष्ट झालं आहे. अनेक ठिकाणी भाजपाला पराभव स्वीकारावा लागला आहे. निकाल जाहीर झाल्यानंतर मुख्यमंत्री देवेंद्र फडणवीस यांनी मुंबईतील भाजपाच्या प्रदेश कार्यालयात पत्रकार परिषद घेतली. यावेळी त्यांनी विधानसभा निवडणुकीच्या निकालावर पहिली प्रतिक्रिया दिली.



  Print






News - Rajy | Posted : 2019-10-24






Related Photos