गोंडवाना सैनिकी विद्यालयात डॉ. बाबासाहेब आंबेडकर यांची जयंती साजरी
विदर्भ न्यूज एक्सप्रेस
प्रतिनिधी / गडचिरोली : स्थानिक गोंडवाना सैनिक विद्यालयात आज १४ एप्रिल रोजी डॉ. बाबासाहेब आंबेडकर जयंती साजरी करण्यात आली.
कार्यक्रमाचे अध्यक्ष विद्यालयाचे पर्यवेक्षक अजय वानखेडे तर प्रमुख पाहुणे म्हणून प्राध्यापक विजय गोंडाने, भूपेंद्र चौधरी, रवींद्र कोरे, आनंद चौधरी, सुरेश रेचनकर हे प्रामुख्याने उपस्थित होते.
अध्यक्षानच्या वतीने डॉ. बाबासाहेब आंबेडकर यांच्या प्रतिमेला पुष्पमाला अर्पण करण्यात आली व सामुदायिक वंदना घेऊन अभिवादन करण्यात आले. शिक्षणाशिवाय तरणोपाय नाही, असे मत या प्रसंगी अध्यक्षीय भाषणातून अजय वानखेडे यांनी केले.
भूपेंद्र चौधरी यांनी बोलतांना म्हणाले, संविधान म्हणजे देशात सुव्यवस्था प्रस्थापित करून ठेवण्याचा एकमेव उपाय अश्या महान संविधानाचे निर्माण डॉ. बाबासाहेब आंबेडकर यांनी केले. तेव्हा त्यांच्या कार्याला विसरून चालणार नाही. विद्यार्थी दशेत त्यांचे आदर्श डोळ्यासमोर ठेवूनच आपण कार्य करायला पाहिजे असेही ते पुढे म्हणाले. शिका संघटित व्हा संघर्ष करा. या त्यांच्या विधानाची अंमलबजावणी केले पाहिजे, असे प्रतिपादन प्रा. विजय गोंडाने यांनी केले.
सदर कार्यक्रमाचे संचालन श्रीहर्ष बुधबावरे तर आभार पृथ्वी येंडळवार यांनी केले. कार्यक्रमाला समस्त कर्मचारी उपस्थित होते.
News - Gadchiroli