मतदान करणाऱ्या व्यक्तींना बीएसएनएल कडून मिळणार नि:शुल्क ४ - जी सिम


विदर्भ न्यूज एक्सप्रेस 
प्रतिनिधी / भंडारा  : 
निवडणूक आयोगामार्फत विधानसभा सार्वत्रिक निवडणूकीची घोषणा झाली असून २१ ऑक्टोबर  रोजी भंडारा जिल्हयामध्ये सर्व मतदान केंद्रावर मतदान प्रक्रिया पार पडणार आहे. या निवडणूकीमध्ये जास्तीत जास्त मतदान व्हावे यासाठी जिल्हा प्रशासनामार्फत स्वीप कार्यक्रमांतर्गत मतदान जनजागृती मोठया प्रमाणात करण्यात आली आहे. यामध्ये आता भारत संचार निगम लिमिटेड यांनी मतदारांनी मतदानाची टक्केवारी वाढविण्यासाठी बीएसएनएल कडून नि:शुल्क   ४ - जी सिम चे वाटप करण्यात येणार आहे. 
मतदारांनी शाईचे बोट दाखविणे अनिवार्य असून सोबत  आधारकार्ड व एक फोटो  दिले असता ४-जी सिम कार्ड नि:शुल्क मिळतील. त्यासाठी नगर परिषद कॉम्पलेक्स रु.नं. ५४ , मुसिलम लाइब्ररी चौक,  भंडारा, एसबीआय बँक जवळ मेनरोड साकोली, जयस्तंभ  चौक गुरुनानक गेट जवळ गोंदिया व लाखांदूर सीएससी येथे संपर्क साधावा. ही योजना २१ ते ३१ ऑक्टोबर  पर्यंत सुरु राहील, असे भारत दुरसंचार निगम भंडाराचे उपमहाप्रबंधक यांनी कळविले आहे.

 



  Print






News - Bhandara | Posted : 2019-10-20






Related Photos