महत्वाच्या बातम्या

आधारविश्व फाउंडेशनतर्फे पर्यावरणपूरक होळी साजरी

- सेमाना मंदिर येथे राबवली स्वछता मोहीम

विदर्भ न्यूज एक्सप्रेस
प्रतिनिधी / गडचिरोली : सतत ७ वर्षापासून समाज हितासाठी कार्य करणाऱ्या आधारविश्व फाऊंडेशन तर्फे सेमाना मंदिरपरिसराची स्वछता करुन कचऱ्याची होळी करून पर्यावरण पूरक होळी साजरी करण्यात आली.

दरवर्षी प्रमाणे या वर्षी सुद्धा आधारविश्व फाऊंडेशन तर्फे २४ मार्च २०२४ रोज रविवारी पहाटे ५.३० वा. आधारविश्व फाऊंडेशन च्या अध्यक्षा गीता हिंगे यांच्या नेतृत्वात होळीनिमित्य साफसफाई अभियान राबविण्यात आले. पहाटे ५.३० वा. मंदिर परिसरातील स्वछतेला सुरुवात झाली. दर शनिवारी भाविक मोठ्या प्रमाणात स्वयंपाकाला येतात परंतु जेवण झाल्यावर प्लॅस्टिक ताट, वाट्या, ग्लास तिथेच फेकून देतात. तसेच काही समाजकंटक लोकांनी पार्ट्या करुन दारूच्या बाटल्या सुद्धा फेकलेल्या होत्या. आधारविश्व फाऊंडेशन च्या सदस्यांनी सर्व कचरा वेगवेगळा केला. प्लॅस्टिकचा कचरा तसेच भंगार पोत्यात भरून मंदिर समितीच्या स्वाधीन केला आणि इतर कचरा जाळून पर्यावरण पूरक होळी साजरी केली.

भाविकांनी स्वयंपाक जरूर करावा परंतु जेवण झाल्यावर प्लॅस्टिक ताट, वाट्या तसेच उरलेले अन्न तिथेच न फेकता कचरा कुंडीत जमा करावे व मंदिर परिसरातील प्रदूषण टाळावे. समाजकंटकांनी दारूच्या पार्ट्या करताना हे पवित्र देवस्थान आहे याचे तरी भान ठेवावे असे आवाहन आधारविश्व फाऊंडेशन च्या अध्यक्षा गीता हिंगे यांनी केले आहे. सदर उपक्रमासाठी आधारविश्व फाऊंडेशन च्या उपाध्यक्षा विना जंबेवार, सचिव सुनीता साळवे, सदस्या विजया मने, मीरा कोलते, सुलभा धामोडे, सुनीता आलेवार, संगीता राऊत, सीमा कन्नमवार, रोशनी राजुरकर, उज्वला चन्नावार, किर्ती हर्षे, देशोन्नती चे संपादक अनिल धामोडे, सुशील हिंगे, राहुल कन्नमवार, मनोज राजूरकर यांनी सहकार्य केले.