महत्वाच्या बातम्या

 लोकसभा सार्वत्रिक निवडणुकीसाठी आजपासून स्वीकारले जाणार उमेदवारी अर्ज


विदर्भ न्यूज एक्सप्रेस 
प्रतिनिधी / वर्धा : वर्धा लोकसभा मतदारसंघासाठी निवडणूक आयोगाने घोषित केलेल्या कार्यक्रमानुसार उद्या गुरुवार २८ मार्च २०२४ पासून नामनिर्देशन पत्र भरण्याची प्रक्रिया सुरू होणार आहे.अशी माहिती जिल्हाधिकारी तथा जिल्हा निवडणूक अधिकारी राहुल कर्डिले यांनी पत्रकार परिषदेत दिली.

पत्रकार परिषदेला उपजिल्हा निवडणूक अधिकारी अनिल गावीत उपस्थित होते. यावेळी कर्डिले म्हणाले की, ०८ वर्धा लोकसभा मतदार संघाचे निवडणूक निर्णय अधिकारी तथा जिल्हाधिकारी यांच्याकडे नवीन जिल्हाधिकारी कार्यालय, सेवाग्राम रोड, सिव्हील लाईन्स वर्धा येथे २८ मार्च २०२४ पासून ४ एप्रिल २०२४ पर्यंत सकाळी ११ ते दुपारी ३ यावेळेत सार्वजनिक सुट्टी व्यतिरिक्त कोणत्याही दिवशी नामनिर्देशन पत्र मिळतील व स्वीकारले जातील.

नामनिर्देशन पत्राची छाननी ५ एप्रिल २०२४ रोजी सकाळी ११ वाजेपासून जिल्हाधिकारी कार्यालयाचे सभागृह, वर्धा येथे करण्यात येईल. उमेदवारांना उमेदवारी अर्ज मागे घेण्याची ८ एप्रिल २०२४ दुपारी ३ वाजेपर्यंत आहे. मतदान २६ एप्रिल २०२४ रोजी सकाळी ७ ते सायंकाळी ६ वाजेपर्यंत मतदान घेण्यात येईल.





  Print






News - Wardha




Related Photos