महत्वाच्या बातम्या

बीसीजी लसीकरण मोहिम प्रशिक्षण

विदर्भ न्यूज एक्सप्रेस

प्रतिनिधी / वर्धा : मे ते जुलै या कालावधीत जिल्ह्यात वयस्क बीसीजी लसीकरण मोहिम राबविण्यात येणार आहे. या मोहिमेची प्रभावी अमलबजावणी करण्याकरीता समुदाय वैद्यकीय अधिकारी, कोऑर्डीनेटर व राष्ट्रीय क्षयरोग दुरीकरण कार्यक्रमांतर्गत कार्यरत एनटीईपी कर्मचारी यांचे जिल्हा आरोग्य अधिकारी डॉ.रा.ज. पराडकर यांच्या मार्गदर्शनात एक दिवसीय प्रशिक्षण घेण्यात आले.

जिल्हा परिषदेच्या सिंधुताई सपकाळ सभागृहात आयोजित या प्रशिक्षणाला जागतिक आरोग्य सल्लागार डॉ. सवर्णा रामटेके, जिल्हा क्षयरोग अधिकारी डॉ. हेमंत पाटील व प्रशिक्षणार्थी उपस्थित होते.

प्रशिक्षणामध्ये वयस्क बीसीजी लाभार्थी बाबत माहिती देण्यात आली. यामध्ये १८ वर्षावरील सर्व टिबी आजाराचा संपर्कातील व्यक्तीकरीता मागील पाच वर्षात टिबी झालेले व्यक्ती, डायबेटीसचे व्यक्ती, बॉडी मास इंडेक्स १८ पेक्षा कमी असणारे, धुम्रपान करणारे तसेच ६० वर्षावरील सर्व लाभार्थींना ही लस मोहिम दरम्यान दयावयाची आहे. लसीकरणाचा मुख्य हेतू टिबी आजाराचा प्रतिबंध कमी करावयाचा आहे. या लसीकरणामुळे वयस्कांची प्रतिकार शक्ती वाढेल. वयस्क बीसीजी लस ही सुरक्षित व प्रभावशाली असून लसीकरणामुळे व्यक्तीची प्रतिकार शक्ती १० ते १५ वर्ष राहिल.

खाजगी व्यावसायिक यांचा सहभाग निक्शयमित्र व पी.पी.एस.ऐ यांचा सहभाग खाजगी निक्शय नोटीफिकेशन वाढविण्याकरीता कसा होईल याबाबत जिल्हा पीपीएम कोर्डिनेटर जितेंद्र बाखडे यांनी तर सुमंत ढोबळे यांनी निक्शय मध्ये पंजिकरण केलेल्या क्षयरुग्णांना डिबीटी २०२४ मार्गदर्शन सुचने नुसार उपस्थितांना प्रशिक्षण दिले. यावेळी प्रत्येक रुग्णांचे निक्यश मध्ये रजिस्ट्रेशन करणे, एचआयव्ही तपासणी इत्यादी बाबतचे प्रशिक्षण देण्यात आले. कार्यक्रमाचे संचालन सुमंत ढोबळे यांनी तर आभार जितेद्र बाखडे यांनी मानले.