आमदार राजे अम्ब्रीशराव आत्राम यांनी दाखल केले नामांकन, रॅलीत हजारो कार्यकर्त्यांचा सहभाग


विदर्भ न्यूज एक्सप्रेस
प्रतिनिधी / अहेरी :
भारतीय जनता पार्टीचे अहेरी विधानसभा क्षेत्राचे उमेदवार विद्यमान आमदार राजे अम्ब्रीशराव महाराज आत्राम यांनी आज ४ ऑक्टोबर रोजी उमेदवारी अर्ज दाखल केला. यावेळी भाजपातर्फे जोरदार शक्तीप्रदर्शन करण्यात आले. काढण्यात आलेल्या नामांकन रॅलीत विधानसभा क्षेत्रातील हजारो कार्यकर्ते सहभागी झाले होते. 
राजे अम्ब्रीशराव आत्राम यांनी राजे विश्वेश्वराव महाराज यांना अभिवादन करून रॅलीस प्रारंभ केला. रॅलीमध्ये भाजपाचे जिल्हाध्यक्ष किसन नागदेवे, ज्येष्ठ नेते बाबुराव कोहळे, प्रकाश गेडाम, अवधेशराव बाबा आत्राम, विधानसभा क्षेत्रातील जि.प. सदस्य, पं.स. सदस्य, नगराध्यक्ष, नगरसेवक व अन्य पदाधिकारी उपस्थित होते. विविध घोषणा देत रॅली उपविभागीय कार्यालयात पोहचली. यावेळी शहरात सर्वत्र भाजपा कार्यकर्त्यांची गर्दी दिसून येत होती. ढोल ताशांच्या गजरामध्ये कार्यकर्त्यांमध्ये चांगलाच उत्साह संचारला होता. 

 



  Print






News - Gadchiroli | Posted : 2019-10-04






Related Photos