महत्वाच्या बातम्या

ना. सुधीर मुनगंटीवार यांच्या प्रयत्नातून नगर परिषद ला १२ कोटी ३४ लक्ष ९७ हजार कोटींचा निधी मंजूर

- बल्लारपूर वैशिष्ट्यपूर्ण योजनेंतर्गत विशेष अनुदान

विदर्भ न्यूज एक्सप्रेस
प्रतिनिधी / बल्लारपूर : जिल्ह्यातील ग्रामीण आणि शहरी भागात नागरिकांना पायाभूत सुविधा उपलब्ध करून देण्यासाठी राज्याचे वने, सांस्कृतिक कार्य, मत्स्यव्यवसाय मंत्री तथा जिल्ह्याचे पालकमंत्री सुधीर मुनगंटीवार सदैव प्रयत्नशील आहेत. त्यांच्या सातत्यपूर्ण पाठपुराव्यामुळे बल्लारपूर नगर परिषद वैशिष्ट्यपूर्ण योजनेंतर्गत विशेष अनुदानातून १२ कोटी ३४ लक्ष ९७ हजार कोटींचा निधी मंजूर झाला आहे. याबाबतचा शासन निर्णय २९ फेब्रुवारी २०२४ रोजी निर्गमित करण्यात आला. राज्यातील नगर परिषदांना वैशिष्ट्यपूर्ण कामासाठी विशेष अनुदान देण्यात येते. या अंतर्गत बल्लारपूर नगर परिषदेकरीता १२ कोटी ३४ लक्ष ९७ हजार रुपये मंजूर झाले आहे.

बल्लारपूर नगर परिषद अंतर्गत मंजूर झालेल्या कामांमध्ये खुल्या जागांचा विकास करणे, खुल्या जागेवर संरक्षण भिंतीचे बांधकाम करणे, बल्लारशहा वेकोली संकूलात व्हॉलीबॉल ग्राऊंडचे बांधकाम करणे, स्प्रिंकलर आणि पाणी व्यवस्थापन करणे, सेपरेटर गॅलरीचे बांधकाम करणे, नवीन टॉयलेट ब्लॉक आणि चेंजींग रूमचे बांधकाम, विद्यमान पॅव्हेलियनचे इमारतीचे नुतनीकरण करणे आणि वेकोली संकूलात क्रीडा व पायाभूत सुविधांचा विकास करणे, तेलगू समाज स्मशानभुमीचा विकास करणे तसेच सी.सी. रोड बांधकाम करणे आदी कामांसाठी बल्लारपूर नगर परिषदेला १२ कोटी ३४ लक्ष ९७ हजार रुपये मिळणार आहे. नगर परिषद पायाभूत सुविधांकरीता मोठ्या प्रमाणात निधी उपलब्ध करून दिल्याबद्दल नागरिकांनी जिल्ह्याचे पालकमंत्री सुधीर मुनगंटीवार यांचे आभार मानले आहेत.