महत्वाच्या बातम्या

भंडारा जिल्हास्तरीय गुंतवणूक परिषदेत १९२ कोटींचे करार

- ५१४ जणांना रोजगाराची संधी
- उदयोग वाढीसाठी चर्चासत्र संपन्न

विदर्भ न्यूज एक्सप्रेस
प्रतिनिधी / भंडारा : जिल्ह्यात उद्योग क्षेत्रात गुंतवणुकीला चालना देण्यासाठी जिल्हा उद्योग केंद्रातर्फे आज पहिली जिल्हास्तरीय गुंतवणूक परिषद झाली. खासदार सुनिल मेंढे यांच्या प्रमुख उपस्थितीत झालेल्या या परिषदेत ११ उद्योग घटकांसाठी १९२.९१ कोटींचे सामंजस्य करार झाले. यातून ५१४ जणांना रोजगार उपलब्ध होणार असल्याचे उदयोग विभागाने सांगितले.
भंडारा येथील हॉटेल व्ही. के या ठिकाणी झालेल्या या परिषदेचे उदघाटन् आज खासदार सुनिल मेंढे, जिल्हाधिकारी योगेश कुंभेजकर, एमएसएमई विभागाचे सहायक संचालक बघेल व मेटल असोसीएशनचे अध्यक्ष पंकज सारडा यांच्या प्रमुख उपस्थितीत झाले.

नवउद्योजकांना आकर्षित करणे, जिल्ह्यातील गुंतवणूकदार, व्यावसायिकांना एकत्र आणून भंडारा हा विकासासाठी केंद्रबिंदू मानून जिल्ह्यासह राज्याच्या विकासाला चालना देणे हा जिल्हास्तरीय गुंतवणूक परिषदेचा उद्देश असल्याचे बदर यांनी यावेळी सांगितले. जिल्हयात उदयोगस्नेही धोरण राबविण्यात येत असून तरूण उदयोजकांनी कठोर मेहनतीची तयारी ठेवावी असे आवाहन खासदार मेंढे यांनी केले.तर जिल्हाधिकारी कुंभेजकर यांनी या परिषदेतून उदयोग व्यवसाय वाढीसाठी चर्चा मंथन होऊन त्यातून ठोस मुददे पुढे यावेत.त्याबाबत प्रशासन सकारात्मक भुमिका घेईल,असे आश्वस्त केले.
जिल्हा विकास आराखडयाबाबत निलेश सांळुके यांनी यावेळी सादरीकरण केले.त्यानंतर जिल्हयातील गुतंवणुकीच्या संधीवर त्यांनी विस्तृत प्रकाश टाकला. त्यानंतर जिल्हयातील विविध उदयोगाबाबत सामंजस्य करार उदयोग कंपन्याशी करण्यात आले.त्यामध्ये आसगाव ॲग्रो प्रोसेसर्स यांच्याशी १०० कोटीचा सामंजस्य करार करण्यात आला .तर लक्ष इन्होवेशन यांच्या शी २३ कोटी ६ लक्ष रूपयांचा करार करण्यात आला.

यामध्ये गुंतवणुकीला प्रोत्साहन, औद्योगिक सुविधा, व्यवसाय सुलभीकरण व उद्योगांसाठी आवश्यक परवानग्या / मंजुरी आणि सेवा कालमर्यादेत देण्याच्या दृष्टिने कायद्याद्वारे गुंतवणूकदार सुविधा केंद्र/ गुंतवणूक प्रोत्साहन एजन्सी म्हणून एक खिडकी प्रणालीला अधिकार देण्यासाठी उद्योग, व्यापार आणि गुंतवणूक सुविधा केंद्र (मैत्री) कायदयाविषयी मार्गदर्शन करण्यात आले.त्यानंतर पर्यटन,वनपर्यटनातील गुंतवणुक व उदयोगाच्या संधीविषयी चर्चासत्रात उपवनसंरक्षक पवन जेफ यांनी विस्तृत सादरीकरण केले.

त्यानंतर कृषी क्षेत्रातील संधीविषयी पवन कटनकर ,आत्मा संचालक वर्षा चिखले,यांनी सहभाग घेतला.तर पितळ व अन्य धातुविषयीच्या बाजारपेठेतील संधीवर मेटल असोसिएशन भंडाराचे अध्यक्ष पंकज सारडा,सचिन झंवर, नरेश मल्होत्रा यांनी जिल्हयातील संधीचे व मार्केंटीगबाबत चित्र मांडले.
भेाजन अवकाशानंतर जिल्हयातील निर्यातीविषयक संधी तसेच सिडबी संस्थेमार्फत छोटया उदयोगांना मार्गदर्शन करण्यात आले.तसेच सुक्ष्म,लघु व मोठया उदयोगांच्या विविध योजनांबाबत जिल्हा उदयोग केंद्राव्दारे मार्गदर्शन करण्यात आले.

आजच्या गुंतवणूक परिषदेच्या माध्यमातून नवउद्योजक निर्माण होण्यास मदत होणार आहे. जिल्ह्यात उत्पादित होणाऱ्या शेतमालावर प्रक्रिया करणारे उद्योग उभा राहणे आवश्यक आहे. यादृष्टीने स्थानिक युवकांनी पुढाकार घ्यावा. योगेश कुंभेजकर,जिल्हाधिकारी, भंडारा या उदयोग परिषदेत बचतगटांचे स्टॉल लावण्यात आले होते.तसेच एमसीईडीव्दारा प्रशिक्षीत महीलांना प्रमाणपत्र वाटप करण्यात आले.

जिल्हा उद्योग केंद्राचे महाव्यवस्थापक हेमंत बदर, भागवत गाडेकर,जिल्हा नियोजन अधिकारी शशिकुमार बोरकर, मुख्यमंत्री कार्यालयाचे फेलो निलेश सांळुके, बँकेचे अधिकारी उपस्थित होते.