मराठी भाषेचे जतन करणे काळाची गरज : प्राचार्य डॉ. खंगार
विदर्भ न्यूज एक्सप्रेस
प्रतिनिधी / गडचिरोली : श्री साईबाबा ग्रामीण विकास संस्था गडचिरोली द्वारा संचालित, फुले- आंबेडकर कॉलेज ऑफ सोशल वर्क गडचिरोली (मराठी विभाग) आणि सक्षम ज्ञान व शैक्षणिक बहुउद्देशीय संस्था गडचिरोली यांच्या वतीने मराठी भाषा गौरव दिन कविवर्य पद्मभूषण कुसुमाग्रज यांच्या जयंतीच्या निमित्याने साजरा करण्यात आला.
याप्रसंगी सर्वप्रथम कविवर्य, नाटककार, कुसुमाग्रज यांच्या प्रतिमेसमोर हार अर्पण करून कार्यक्रमाची सुरुवात करण्यात आली.
याप्रसंगी कार्यक्रमाचे अध्यक्ष म्हणून महाविद्यालयाचे प्राचार्य डॉ.एस.के. खंगार हे उपस्थित होते. तर प्रमुख पाहुणे म्हणून लीलाधर भरडकर (जिल्हाध्यक्ष, राष्ट्रवादी काँग्रेस पार्टी) प्रा. विनोद कुकडे (आयक्यूएसी समन्वयक), अंकुश गांगरेड्डीवार मॅनेजर पिरामल फाऊंडेशन गडचिरोली, कु. निकीता सरोदे जिल्हा समन्वयक एज्युकेट फेल्लोशीप गडचिरोलीआदी मान्यवर उपस्थित होत.
याप्रसंगी कार्यक्रमाचे अध्यक्ष डॉ. खंगार यांनी मराठी भाषेच्या महिमा वर्णन करताना मराठी भाषेत माया जिव्हाळा प्रेम आधी सर्व गोष्टी आपल्याला पाहायला मिळतात. त्यामुळे मराठी भाषेचा वापर करून तिचे संवर्धन करणे काळाची गरज आहे, असे मत व्यक्त केले तसेच याप्रसंगी उपस्थित मान्यवरांची सुद्धा समायोजित भाषणे झाली.
या कार्यक्रमाचे प्रास्ताविक मराठी विभाग प्रमुख प्रा. यादव गहाणे, कार्यक्रमाचे संचालन प्रा. हितेश चरडे तर उपस्थितांचे आभार प्रा. दीपक तायडे यांनी मानले.
कार्यक्रमाच्या यशस्वीतेसाठी महाविद्यालयातील सर्व प्राध्यापक वृद, प्रशासकीय कर्मचारी, ग्रंथालयीन कर्मचारी, बहुसंख्य विद्यार्थी व सक्षम ज्ञान व शैक्षणिक बहुउद्देशीय संस्था गडचिरोली यांनी अथक परिश्रम घेतले.
News - Gadchiroli