महत्वाच्या बातम्या

महाराष्ट्र कृषि उत्पन्न पणन विकास व विनियमन अधिनियम १९६३ मध्ये सुधारणेच्या अनुषंगाने एक दिवसाचा लक्षणीक संप

- माजी जि.प.अध्यक्ष तथा अहेरी बाजार समिती सभापती अजय कंकडालवार यांना निवेदन

विदर्भ न्यूज एक्सप्रेस
तालुका प्रतिनिधी / अहेरी : महाराष्ट्र कृषी उत्पन्न पणन विकास व विनियमन अधिनियम १९६३ च्या कायद्यात सुधारणा करणारे २०१८ चे महाराष्ट्र विधानसभा विधेयक क्रमांक ६४ वर केलेल्या सुधारणामध्ये सिमांकीत बाजार आवार, राष्ट्रीय बाजार आवार तळ, बाजार तळ, उप बाजार तळ निर्माण करणे, अडते, हमाल, मापाडी व समितीचे कर्मचारी या सर्व घटकांवर होणारा परिणामामुळे सर्व घटकांचे नुकसान होणार असुन सर्वांचे परिवार उघड्यावर येण्याची शक्यता नाकारता येत नाही.

शासनाने सद्याच्या कायद्यात बदल करू नये म्हणुन सोमवार २६ फेब्रुवारी २०२४ रोजी पहाटे ५ ते रात्री १२ वाजेपर्यंत एक दिवसाचा लक्षणीक संप करण्यात येत आहे.

संबंधीत लाक्षणीक संप महाराष्ट्र राज्य बाजार समिती सहकारी संघाने पुकारलेला असुन या संपात महाराष्ट्र राज्यातील सर्व बाजार समितीचे कर्मचारी संघाला पुर्ण पाठींबा देण्यात आला आहे.

कृषि उत्पन्न बाजार समिती अहेरी जि.गडचिरोली ही महाराष्ट्र राज्य बाजार समिती सहकारी संघाची सभासद असुन अहेरी बाजार समितीचे कर्मचारी सुध्दा म.रा.बाजार समिती सहकारी संघाचे सोमवार २६ फेब्रुवारी २०२४ रोजी पुकारलेल्या संपात पाठिंबा दर्शवित असल्याने कृषि उत्पन्न बाजार समिती, अहेरी जि. गडचिरोली चे अधिकारी व कर्मचारी या संपात सहभागी होत असुन बाजार समितीचे सर्व कामकाज बंद ठेवण्यात यावे व कर्मचाऱ्यांना संपामध्ये सहभागी होण्याची परवानगी देण्यात यावी, करिता आविसं भारतीय राष्ट्रीय काँग्रेसचे नेते व माजी जि.प.अध्यक्ष तथा अहेरी बाजार समिती सभापती अजय कंकडालवार यांना निवेदन देऊन मागणी करण्यात आली.