महत्वाच्या बातम्या

सिंदेवाही : पेंढरी (कोके) जि.प. शाळेचे विद्यार्थी बचावले

- छताला असलेले सिंमेट क्रांक्रेट कोसळले

विदर्भ न्यूज एक्सप्रेस

तालुका प्रतिनिधी / सिंदेवाही : सिंदेवाही तालुक्यातील जिल्हा परिषद उच्च प्राथमिक शाळा पेंढरी (कोकेवाडा) येथे वर्ग १ ते ७ वर्ग सुरू आहेत. या शाळेतील चार इमारतीच्या निर्लेखनाचे प्रस्ताव २०२२-२०२३ मध्ये जी.प. कडे पाठवलेले आहेत. पण अजून पर्यंत त्या इमारतीचे निर्लेखनाचे प्रस्ताव मंजूर झालेले नाही. उर्वरित इमारतीपैकी एका इमारतीचे छतातील सिमेंट काँक्रीट खाली पडले. त्यामुळे विद्यार्थ्यांची जीवित हानी टळली. पण या प्रसंगामुळे शिक्षिका आणि विद्यार्थ्यांमध्ये भीतीचे वातावरण पसरले.

सदर घटनेची माहिती गावात पसरताच गावातील सरपंच तारा राऊत, उपसरपंच निशांत शिंदे, माजी सभापती अरविंद राऊत व ग्रामपंचायतीचे सदस्य तात्काळ उपस्थित होऊन झालेली बाब समजून घेतली. धोकादायक इमारतीमध्ये विद्यार्थ्यांना न बसवता त्यांची बसण्याची व्यवस्था इतर करण्यात यावी. अशा सूचना शाळा व्यवस्थापन समिती अध्यक्ष व सदस्यांनी मुख्याध्यापक व शिक्षकांना दिल्या मात्र एक गोष्ट खरी देवतारी त्याला कोण मारी याचा अनुभव या घटनेतून आलेला आहे.

जिल्हा परिषदेकडे शाळेतील ४ इमारतीचे प्रस्ताव निर्लेखनसाठी पाठविले आहेत. ते प्रस्ताव लवकरात लवकर मंजूर करावे. मागील वर्षी सुद्धा भर उन्हामध्ये विद्यार्थ्यांना झाडाखाली शिक्षण दिल्या गेले. प्रशासनाने मागील वर्षी या गोष्टीची दखल घेऊन नवीन इमारती लवकरात लवकर बांधकाम करण्यासाठी तसा प्रस्ताव जी.प. बांधकाम विभागाला सादर केलेला होता. मात्र अजून पर्यंत त्या चारही इमारतीचे बांधकाम न झाल्यामुळे विद्यार्थ्यांना यावर्षी सुद्धा झाडाखालीच बसावे लागेल का ? यासाठी प्रशासनाकडे मागणी करण्यात येईल, असे आश्वासन ग्रामपंचायत सरपंच तारा राऊत, उपसरपंच निशिकांत शिंदे तथा शाळा व्यवस्थापन समितीचे अध्यक्ष देविदास लेनगुरे, शाळा व्य.स. उपाध्यक्ष वैशाली आत्राम, ईश्वर सोनुले, सुधाकर गेडाम यांनी दिले.