युवा विकास मंचच्या वतीने शैक्षणिक व सामाजिक उपक्रमांचे आयोजन
विदर्भ न्यूज एक्सप्रेस
तालुका प्रतिनिधी / आरमोरी : शिवजयंती निमित्य ठाणेगाव येथे युवा विकास मंचच्या वतीने शैक्षणिक व सामाजिक उपक्रमांचे आयोजन करण्यात आले होते.
ग्रामीण भागातील विद्यार्थ्यांचा प्राथमिक शिक्षणाचा पाया मजबूत होऊन त्यांना स्पर्धा परिक्षेची माहिती होऊन स्पर्धेच्या युगात ग्रामीण भागातील विद्यार्थी टिकावा या उदात्त हेतूने युवा विकास मंचच्या वतीने त्यांना जिल्हा परिषद उच्च प्राथमिक मराठी शाळेमध्ये १०० गुनाची ४ व वर्ग ५ च्या विद्यार्थ्यांची सामान्य ज्ञान परीक्षा घेण्यात आली होती.
सायंकाळी ६ वाजता युवा विकास मंचच्या वतीने शिवजयंती साजरी करण्यात आली व त्यानंतर मान्यवर मंडळीच्या हस्ते या स्पर्धेत अनुक्रमे प्रथम द्वितीय व तृतीय क्रमांक मिळवनारे विद्यार्थ्यांना शिल्ड, प्रशस्ती पत्र, शिवाजी महाराज यांच्यावर आधारित पुस्तक व रोख रक्कम पारितोषिक म्हणून देण्यात आली. तसेच सर्व परिक्षेला बसलेल्या विद्यार्थ्यांना पुस्तक व प्रशस्तीपत्र देण्यात आले.
त्याचप्रमाणे वर्ग ४ च्या विद्यार्थ्यांनाही प्रोत्साहनपर बक्षीस देण्यात आले. या स्पर्धेत प्रथम क्रमांक भारत घनश्याम भुरसे याला १०० पैकी ८४ गुण, दुसरा क्रमांक आयुष राजेंद्र चिचघरे व निधी दिलीप उपरिकर यांना संयुक्तपणे देण्यात आला त्यांना १०० पैकी ७८ गुण , तिसरा क्रमांक अनिकेत लिलाधर दुधबळे याला १०० पैकी ७६ गुण, चौथा क्रमांक (प्रोत्साहन बक्षीस) प्रणय सुभाष उपरिकर याला १०० पैकी ७२ गुन मिळाले.
यावेळी कार्यक्रमाचे समारंभाध्यक्ष वासुदेव मंडलवार सरपंच ठाणेगाव, प्रमुख पाहुणे घनश्याम कुनघाडकर तंमुस अध्यक्ष, ताराचंद कुनघाडकर, कृष्णा ईन्कणे, गोपाल नैताम, प्रल्हाद बारस्कर, कवळु भुरसे, सरिता नैताम, विलास नंदरधने, नंदु नैताम, अनिल नैताम, हिरा कुनघाडकर इ. तसेच शाळेतील विद्यार्थी व नागरिक उपस्थित होते.
कार्यक्रमाचे सूत्रसंचालन शाळा व्यवस्थापन समिती अध्यक्ष चंद्रशेखर किरमे, प्रस्ताविक ताराचंद कुनघाडकर तर आभारप्रदर्शन पिंटु बावणे यांनी केले. हा उपक्रम यशस्वी करण्यासाठी युवा विकास मंचचे कार्यकर्ते हरिष नैताम, सुरज कत्रे, उमेश कुकडकार वकील, दूंशात कुकडकर, निकेश मेश्राम, स्वप्निल किरमे, सचीन दहिकर, निखिल बावने, अमर नैताम, आशिष नैताम, अभिषेक कुनघाडकर यांनी अथक परिश्रम घेतले. यावेळी गावातील नागरिकांनी युवा विकास मंचच्या शैक्षणिक व सामाजिक उपक्रमांचे कौतुक केले.
News - Gadchiroli