महत्वाच्या बातम्या

 विद्यार्थ्यांनी खात्यावर जमा झालेली शिष्यवृत्तीची रक्कम महाविद्यालयाकडे जमा करावी


- सहाय्यक आयुक्त, समाज कल्याण विभागाचे आवाहन

विदर्भ न्यूज एक्सप्रेस 

प्रतिनिधी / भंडारा : सामाजिक न्याय व अधिकारीता मंत्रालय,भारत सरकार यांनी अनुसूचित जाती प्रवर्गातील विद्यार्थ्यांना भारत सरकार मॅट्रीकोत्तर शिष्यवृत्ती योजनेअंतर्गत सन २०२०-२१ ते २०२५- २६ या कालावधीकरीता माहे मार्च २०२१ पासून सुधारीत मार्गदर्शक सूचना जारी केलेल्या आहेत.

तसेच भारत सरकारच्या मार्गदर्शक सूचनानुसार शैक्षणिक वर्ष सन २०२१- २२ पासून सुधारीत निधी वितरण कार्यपध्दती राज्यभरात अवलंब करावयाची आहे.केंद्र शासनाच्या ६० टक्के हिश्शाचे वितरण महाडिबीटी प्रणालीवर अनुसूचित जाती प्रवर्गातील विद्यार्थ्यांच्या नोंदणीकृती अर्ज संबंधित जिल्ह्यातील सहाय्यक आयुक्त,समाज कल्याण यांचे मार्फत मंजूर झाल्यानंतर त्या शैक्षणिक वर्षाची अनुज्ञेय शिष्यवृत्ती रक्कम प्रणालीद्वारे निश्चित करण्यात येते.

या मंजूर करण्यात आलेली संपुर्ण शिष्यवत्ती रक्कम म्हणजेच महाविद्यालयास देय असणारा भाग शिक्षण शुल्क,परिक्षा शुल्क व इतर ना-परतावा शुल्क इत्यादी तसेच विद्यार्थ्यांला देय असणारा भाग निर्वाह भत्ता या दोन्ही भागाच्या एकत्रित आलेली आहे.

त्यामुळे निश्चित करण्यात आलेला केंद्र हिस्सा ६० टक्के विद्यार्थ्यांने महाडिबीटी प्रणालीवर नोंदणीकृत केलेल्या अर्जानुसार त्यांच्या आधार संलग्नीकृत बॅक खात्यामध्ये थेट केंद्र शासनामार्फत डी.बी.टी.तत्वावर वितरीत करण्यात येत आहे.

त्याअनुषंगाने जिल्ह्यातील सर्व अनुसूचित जाती प्रवार्गातील विद्यार्थ्यांनी भारत सरकार मॅट्रीकोत्तर शिष्यवृत्ती योजनेंतर्गत विद्यार्थ्यांस अनुज्ञेय निर्वाह भत्ता वजा जाता उर्वरीत महाविद्यालयास देय असलेली ६० टक्के रक्कम ७ दिवसाच्या आत संबंधित महाविद्यालयाकडे जमा करावी. असे आवाहन सहाय्यक आयुक्त,समाज कल्याण विभागाचे बाबासाहेब देशमुख यांनी कळविले आहे.





  Print






News - Bhandara




Related Photos