पात्र वयोगटातील सर्व मुलांनी जंतनाशक गोळ्यांचे सेवन करावे : भाजपा जिल्हा महामंत्री योगीता पिपरे
- इंदिरानगर येथील अंगणवाडी केंद्रामध्ये जंतनाशक गोळ्यांचे वाटप
विदर्भ न्यूज एक्सप्रेस
प्रतिनिधी / गडचिरोली : लहान मुलांनी जंतनाशक औषधी घेतल्याने त्यांच्यांतील रक्ताक्षयाचा आजार कमी होऊन आरोग्यात सुधारणा होते. तसेच बालकांचा शारीरिक व मानसिक विकास होवून अन्य संसर्गाची प्रतिकार करण्याची क्षमता वाढते. या गोळ्या मुलांच्या निरोगी आयुष्यासाठी शासनामार्फत विनामुल्य देण्यात येत आहेत. या करीता पात्र वयोगटातील सर्व मुलांनी जंतनाशक गोळीचे सेवन करावे, असे आवाहन भाजपा जिल्हा महामंत्री तथा माजी नगराध्यक्ष योगीता पिपरे यांनी केले.
१३ फेब्रुवारी राष्ट्रीय जंतनाशक दिनानिमित्य देशात शासनामार्फत जंतनाशक गोळ्यांचे वाटप मोहीमेला सुरवात झालेली आहे. इंदिरानगर येथील अंगणवाडी केंद्रामध्ये जंतनाशक गोळ्या वाटप कार्यक्रमाचे आयोजन करण्यात आले होते. यावेळी अध्यक्ष स्थानावरून मार्गदर्शन करतांना त्यांनी आवाहन केले.
याप्रसंगी ९० मुलांनी जंतनाशक गोळ्यांचा लाभ घेतला.
यावेळी प्राध्यापिका वनमाली, प्राध्यापिका डॉ. उईके, अंगणवाडी सेविका अरुणा भुरसे, सुषमा वासेकर, आशा चौधरी, मुले-मुली व पालक उपस्थित होते.
News - Gadchiroli