महत्वाच्या बातम्या

विभागीय हातमाग कापड स्पर्धेचे आयोजन

विदर्भ न्यूज एक्सप्रेस
प्रतिनिधी / नागपूर : हातमाग विणकारांनी विणलेल्या उत्कृष्ट हातमाग कापड नमुन्यांना प्रोत्साहन देण्यासाठी सहकार, पणन व वस्त्रोद्योग विभागाच्या वतीने विभागीय हातमाग कापड स्पर्धेचे आयोजन करण्यात आले आहे.

विभागीय आयुक्त विजयलक्ष्मी बिदरी यांच्या अध्यक्षतेखाली १६ फेब्रुवारी दुपारी ४ वाजता प्रादेशिक उपायुक्त, वस्त्रोद्योग कार्यालय नवीन प्रशासकीय इमारत क्रमांक २, आठवा माळा सिव्हिल लाईन्स येथे स्पर्धेचे आयोजन करण्यात आले आहे. सहभाग नोंदविण्यासाठी हातमाग विणकारांनी तयार केलेले नमुने प्रादेशिक उपआयुक्त वस्त्रोद्योग नागपूर या कार्यालयामध्ये १२ फेब्रुवारी सायंकाळी ५ वाजेपर्यंत सादर करावेत.

अमरावती, नागपूर विभागातील हातमाग विणकारांनी जास्तीत जास्त संख्येने यात सहभाग नोंदवावा असे आवाहन प्रादेशिक उपआयुक्त तथा विभागीय हातमाग कापड स्पर्धेच्या सदस्य सचिव सीमा पांडे यांनी केले आहे. अधिक माहितीसाठी प्रादेशिक उपआयुक्त वस्त्रोद्योग, नागपूर यांच्या कार्यालयास ०७१२-२५३७९२७ या दुरध्वनी क्रमांकाशी संपर्क साधावा.