विश्वविक्रमवीर धावपटू केल्विन किप्टम यांचे निधन
विदर्भ न्यूज एक्सप्रेस
वृत्तसंस्था / नवी दिल्ली : मॅरेथॉनचा विश्वविक्रमवीर अॅथलिट केल्विन किप्टम याचे वयाच्या अवघ्या २४ व्या वर्षी निधन झाले आहे. रविवारी पश्चिम केनियामध्ये कार अपघातात. त्याचा मृत्यू झाला. केल्विन किप्टमचे प्रशिक्षकांचाही कार अपघातात मृत्यू झाला आहे.
या अपघातात कारमध्ये बसलेली एक महिला प्रवासी जखमी झाल्याचे सांगण्यात येत आहे. केल्विन किप्टमच्या अचानक जाण्याने सर्वांनाच धक्का बसला आहे.
केल्विन किप्टम शनिवारी १० फेब्रुवारी रोजी रात्री भारतीय वेळेनुसार रात्री ११ वाजता पश्चिम केनियामधील कॅप्टेज ते एल्डोरेटला जात असताना त्यांची कार उलटली. पोलीस कमांडर पीटर मुलिंगे यांनी पत्रकारांना सांगितले की, केल्विन किप्टम कॅप्टेजहून एल्डोरेटकडे जात असताना त्यांची कार नियंत्रणाबाहेर गेली आणि उलटली, यात किप्टम आणि त्याच्या प्रशिक्षकांचा दोघांचाही जागीच मृत्यू झाला. या अपघातात एक महिला प्रवासी जखमी झाली असून तिला रुग्णालयात दाखल करण्यात आले आहे.
केल्विन किप्टम मोठी कामगिरी -
गेल्या वर्षी ऑक्टोबरमध्ये केल्विन किप्टमने शिकागो मॅरेथॉन २ तास ३५ सेकंदांच्या विश्वविक्रमी वेळेत जिंकली होती. शिकागो मॅरेथॉनमध्ये आश्चर्यकारकपणे विश्वविक्रम मोडून किप्टोमने व एल्युड किपचोगेला मागे टाकून इतिहास रचला होता. सात सर्वात वेगवान मॅरेथॉनपैकी तीन मॅरेथॉनसह, किप्टमने दोन तासांपेक्षा कमी वेळेत त्या शर्यती पूर्ण करून मोठी कामगिरी केली होती. तेव्हापासून तो पॅरिसमध्ये ऑलिम्पिक पदार्पण करण्याचा विचार करत होता. मात्र त्याच्या निधनाच्या बातमीने सर्वांच धक्का बसला आहे.
News - World