शिर्डीतील हॉटेलमध्ये जुगार खेळणाऱ्यांवर पोलीसांची कारवाई


विदर्भ न्यूज एक्सप्रेस 
प्रतिनिधी / शिर्डी : 
 श्रीरामपुर  च्या अपर पोलीस अधीक्षक डॉ. दिपाली काळे यांना मिळालेल्या गुप्त माहितीच्या आधारे   शिर्डी पोलीस स्टेशन हद्दीमध्ये साई गंगा रेसिडेन्सी हॉटेल बंधनचे मागे छत्रपती नगर शिर्डी ता. राहाता  येथे  धाड टाकून जुगाऱ्यांवर कारवाई करण्यात आली आहे. 
हैदराबाद येथुन देवदर्शनासाठी आलेले एकूण १० इसम पैशावर तिरट नावाचा हार जीतचा जुगार खेळत असल्याची माहिती पोलिसांना मिळाली. पोलिसांनी   छत्रपती कॉलनी येथील साई गंगा रेसिडेन्सी हॉटेल, रुम नंबर १०७  मध्ये   अपर पोलीस अधीक्षक डॉ. दिपाली काळे,  पोलीस उप अधीक्षक, शिर्डी विभाग, शिर्डी यांच्या मदतीने  तसेच शिर्डी पोलीस स्टेशन येथील गुन्हे पथकातील पोहेकॉ/ प्रसाद साळवे, पोना बाबासाहेब सातपुते, पोकाँ/ अजय अंधारे, अपर पोलीस अधीक्षक कार्यालय श्रीरामपर यांचे पथकातील पोका प्रमोद जाधव, पोकॉ/ आकाश भैरट, पोकॉ/  गोकुळदास पळसे, तसेच अपर पोलीस अधीक्षक कार्यालय श्रीरामपूर स्ट्रायकिंग फोर्सच्या कर्मचाऱ्यांनी छापा टाकला.   सदर रुम मध्ये ४ लोखंडी पलंगावर दोन ठिकाणी ५ - ५  इसम जुगार नावाचा हारजीतचा खेळ खेळतांना व हॉटेल मालक सुनिता चिन्नाराव गंगा, रा. साई गंगा  रेसिडेन्सी हॉटेल बंधनचे मागे छत्रपती नगर शिर्डी ता. राहाता हे खेळवीताना आढळून आले.  याप्रकरणी टि. नागल (५०)  रा. बोल्हाराम, सिकंदराबाद तेलंगणा, प्रभाकर रेड्डी (४६)  रा. मच्छफोल्लाराम, अल्वर, सिंकदराबाद, राज्य तेलंगणा,  सिद्धीराम रेड्डी, (४२), रा. शंकर अंकेल, जना बाईनपल्ली सिंकदराबाद, तेलंगणा,  पी. कोंडाल रेड्डी,  (४६)  रा, बोल्हाराम, सिकंदराबाद तेलंगणा,  पी बाला रेड्डी, (४०), रा. बोल्हाराम,  सिकंदराबाद राज्य तेलंगणा, कृष्णा रेड्डी, (४५) रा. बोल्हाराम, सिकंदराबाद राज्य तेलंगणा, अनुगला श्रीनिवास रेड्डी, (४०), रा. अमिनपुर, हैदराबाद तेलंगणा,  बी. नरसिंगराव (४२) , रा. गोलनाका, अंबरपेठ हैदराबाद तेलंगणा, श्रीपाल रेड्डी (४२) , रा. बोल्हाराम, सिकंदराबाद तेलंगणा, प्रविणकुमार (४२)  रा. बोल्हाराम, सिकंदराबाद तेलंगणा व हॉटेल मालक सुनिता चिन्नाराव गंगा, रा. साई गंगा रेसिडेन्सी हॉटेल बंधनचे  मागे छत्रपती नगर शिर्डी ता. राहाता यांना ताब्यात घेण्यात आले. 
 त्यांच्याकडे तिरट नावाचा जुगार खेळण्याचे पत्याचे २ कॅट मिळून आले. तसेच रोख रक्कम १ लाख ८६ हजार २३० रुपये व एकुण ८१ हजार रुपये किमतीचे वेगवेगळया  कंपन्यांचे ९ मोबाईल  असा एकूण २ लाख ६७ हजार २३०  रुपये किंमतीचा मुद्देमाल जप्त करण्यात आला असून वरील इसमांविरुध्द शिर्डी पोलीस ठाण्यात   गुन्हा दाखल करण्यात आला आहे.
 शिर्डी हे आंतरराष्ट्रीय दर्जाचे देवस्थान असुन पूर्ण भारतातून भाविक देवदर्शनासाठी येत असतात. त्याना  शिर्डी येथे हॉटेल मालकांनी रुम देतांना त्यांचा आयडी कार्ड घेणे व त्याची शहानिशा करणे बंधनकारक असुन तशा  सुचना दिलेल्या असतांनाही वरील हॉटेल मालकांनी   आरोपींचा  कोणतेही आयडी प्रुफ  व हॉटेल रजिस्टर मध्ये  कसलीही नोंद केलेली आढळुन आली नाही.  सदर हॉटेलचा परवाना रद्द करण्याची कारवाई शिर्डी पोलीस  स्टेशन कडुन करण्यात येणार आहे.  सदर कामगिरी पोलीस अधीक्षक  ईशू सिंधू  ,   अपर पोलीस अधीक्षक  डॉ. दिपाली काळे  व शिर्डी  चे  उपविभागीय पोलीस अधिकारी सोमनाथ वाघचौरे यांच्या  सूचना व मार्गदर्शनाखाली अपर पोलीस अधीक्षक कार्यालय, श्रीरामपुर यांच्या पथकाने केली आहे. 



  Print






News - Rajy | Posted : 2019-09-13






Related Photos