प्रवासी कार्यकर्ता म्हणून आ. डॉ. देवराव होळी यांचा चपराळा येथे मुक्कामी प्रवास
- मंदिरातील हनुमंताचे दर्शन घेवून बूथ कार्यकर्त्यांची घेतली बैठक
- चपराळा येथील गावकऱ्यांशी मंदिरातील विश्वस्तांशी साधला संवाद
- रात्री भजन मंडळी सोबत भजनामध्ये घेतला सहभाग
विदर्भ न्यूज एक्सप्रेस
प्रतिनिधी / गडचिरोली : भारतीय जनता पार्टीच्या गाव चलो अभियानाच्या निमित्याने प्रवासी कार्यकर्ता म्हणून आमदार डॉ. देवराव होळी यांनी आज ११ फेब्रुवारी चपराळा या बूथवर मुकामी प्रवास केला.
यावेळी त्यांनी चपराळा देवस्थान येथील हनुमान मंदिरात दर्शन केले व बुध वरील कार्यकर्त्यांची बैठक घेतली. गावातील घरोघरी जाऊन केंद्र व राज्य सरकारच्या योजनांची माहिती दिली.
चपराळा येथील गावकऱ्यांशी मंदिरातील विश्वस्तांशीही त्यांनी संवाद साधला. रात्री भजन मंडळी सोबत भजनामध्ये सहभाग घेतला. याप्रसंगी पार्टीने सुचविलेल्या दिशा निर्देशानुसार बैठक घेतली.
News - Gadchiroli