नासाचाही विक्रमशी संपर्क साधण्याचा प्रयत्न, डीप स्पेस नेटवर्क च्या जेट प्रपल्शन लॅबोरेटरीमधून पाठवला संदेश


वृत्तसंस्था / नवी दिल्ली : चंद्राच्या पृष्ठभागापासून अवघ्या २ किलोमीटर अंतरावर भरकटलेल्या चांद्रयान २ चं लँडर विक्रमशी संपर्काचे प्रयत्न सुरू आहेत. भारतीय अवकाश संशोधन संस्था (इस्रो) विक्रमशी पुन्हा संपर्क साधण्याचे अखेरचे प्रयत्न करत आहे तर  दुसरीकडे अमेरिकेची अवकाश संशोधन संस्था नासानेही विक्रमशी संपर्क साधण्याचा प्रयत्न करत 'हलो' मेसेज पाठवला.
चांद्रयान २ मधून विलग झाल्यानंतर ७ सप्टेंबर रोजी हार्ड लँडिंग झाल्याने विक्रम लँडर चंद्राच्या पृष्ठभागावर पडलं आणि त्याचा इस्रोशी संपर्क तुटला. नासाने आपल्या डीप स्पेस नेटवर्क (DSN)च्या जेट प्रपल्शन लॅबोरेटरीमधून विक्रमला एक रेडिओ संदेश पाठवला आहे. नासाच्या सुत्रांनी टाइम्स ऑफ इंडियाला दिलेल्या माहितीनुसार, नासा इस्रोच्या परवानगीनंतर रेडिओ संदेशद्वारे विक्रमशी संपर्क साधण्याचा प्रयत्न करत आहे.
सहा दिवस झाले तरी विक्रम लँडरशी संपर्क न झाल्याने संपर्काच्या आशा हळूहळू मावळू लागल्या आहेत. इस्रोने दिलेल्या प्री-लाँच अनुमानानुसार, विक्रमला केवळ एक चांद्र दिवसासाठी (म्हणजे पृथ्वीवरील १४ दिवस) सूर्याचा थेट प्रकाश मिळणार आहे. म्हणजेच पृथ्वीवरील केवळ १४ दिवसांसाठीच विक्रमला सूर्याचा प्रकाश मिळणार आहे. परिणामी हे १४ दिवस संपर्काचे सर्व प्रयत्न सुरू राहतील. १४ दिवसांनंतर एक मोठी काळी रात्र चंद्रावर असेल तीही अर्थात पुढील १४ दिवस असेल. विक्रमची लँडिंग यशस्वी झाली असती तरी तो केवळ १४ दिवसच तेथे काम करू शकणार होता. अशात येत्या २० ते २१ सप्टेंबरपर्यंत जर विक्रमशी संपर्क होऊ शकला नाही तर संपर्काच्या सर्व आशा मावळतील.



  Print






News - World | Posted : 2019-09-12






Related Photos