महत्वाच्या बातम्या

मार्कंडेश्वर मंदीराचे बांधकाम लवकरात लवकर पूर्ण होऊ दे

- आमदार डॉ. देवराव होळी यांचे उपमुख्यमंत्री देवेंद्र फडणवीस यांच्या उपस्थितीत मार्कंडेश्वराला साकडे

- आमदार डॉ. देवराव होळी यांच्या विनंतीवरून देवेंद्र फडणविस मार्कंडा देवस्थानात

- मार्कंडेश्वराचे केले विधिवत पूजन

- मार्कंडेश्वर देवस्थान बांधकामाचा घेतला आढावा

- आमदार यांनी मानले उपमुख्यमंत्र्यांचे आभार

विदर्भ न्यूज एक्सप्रेस

प्रतिनिधी / गडचिरोली : एमएसआरडीसी ला १०० कोटी, पुरातत्व विभागाला ५ कोटी रुपये मंजूर करूनही अजून पर्यंत बांधकाम सुरू न झाल्याने मार्कंडेश्वर मंदिराच्या बांधकामाला गती मिळावी. यासाठी आपण स्वतः मार्कंडा देवस्थानात येऊन त्या संदर्भातील कामांचा आढावा घ्यावा, अशा आशियाची विनंती आ.डॉ. देवराव होळी यांनी देवेंद्र फडणवीस यांच्याकडे केली असता त्यांनी विनंती मान्य करून आज मार्कंडा देवस्थानाला भेट दिली मार्कंडेेश्वराचे दर्शन घेत विधिवत पूजा केली व मार्कंडेेश्वराच्या बांधकामा बाबतचा आढावा घेतला.

याप्रसंगी आ.डॉ. देवराव होळी यांनी मार्कंडेश्वराचे पूजन करून मार्कंडेश्वर मंदीराचे बांधकाम लवकरात लवकर पूर्ण होऊ दे असे मार्कंडेश्वराला साकडे घातले.

आ.डॉ. देवराव होळी यांनी राज्याचे उपमुख्यमंत्री नामदार देवेंद्र फडणवीस यांचे मार्कंडा आगमनासाठी विशेष आभार मानले. व आपण आल्याने या मंदिराच्या बांधकामाला नक्की गती मिळेल, असा विश्वासही त्यांनी यावेळी व्यक्त केला.