इस्त्री करताना विजेचा धक्का लागल्याने मायलेकाचा व कुत्र्याचा मृत्यू; वडील जखमी


विदर्भ न्यूज एक्सप्रेस 
प्रतिनिधी / वर्धा : 
इस्त्री करीत असताना विजेच्या स्पर्शाने खाली कोसळलेल्या मुलाला वाचविण्यासाठी धावलेल्या आईचाही मुलासह विजेच्या धक्क्याने मृत्यू झाला. ही घटना गुरुवारी दुपारी तीन वाजताच्या सुमारास सिंदी मेघे परिसरात घडली. रोहीत सिद्धार्थ मेश्राम व दीपाली सिद्धार्थ मेश्राम (वय ४२) अशी मृतांची नावे आहेत. या घटनेत जवळच बांधून असलेल्या कुत्र्याचाही विजेच्या स्पर्शामुळे मृत्यू झाला. 
इस्त्री करीत असताना विजेच्या स्पर्शाने खाली कोसळलेल्या मुलाला वाचविण्यासाठी धावलेल्या आईचाही मुलासह विजेच्या धक्क्याने मृत्यू झाला. ही घटना गुरुवारी दुपारी तीन वाजताच्या सुमारास सिंदी मेघे परिसरात घडली. रोहीत सिद्धार्थ मेश्राम व दीपाली सिद्धार्थ मेश्राम (वय ४२) अशी मृतांची नावे आहेत. या घटनेत जवळच बांधून असलेल्या कुत्र्याचाही विजेच्या स्पर्शामुळे मृत्यू झाला. ग्रामपंचायत सदस्य दीपाली सिद्धार्थ मेश्राम यांचा मुलगा रोहित हा घरी कपड्यांना इस्त्री करीत होता. इस्त्री करीत असताना त्याला विजेचा धक्का बसला. यात रोहित हा खाली कोसळताच त्याची आई दीपाली त्याला वाचविण्यासाठी धावली. पण तीदेखील विजेच्या स्पर्शाने खाली कोसळली. यात रोहितच्या आईलाही जीव गमवावा लागला. तर जवळच बांधून असलेल्या कुत्र्याचाही या दोघांच्या स्पर्शाने मृत्यू झाला. तर, पत्नी आणि मुलांना वाचविण्यासाठी वडील धावले असता त्यांनाही विजेचा झटका बसला. आरडाओरडा झाल्याने प्रवीण मेश्राम नामक युवकाने समयसुचकता दाखवत वीजपुरवठा खंडित करून घरात प्रवेश केला. जिल्हा सामान्य रुग्णालयात उपचारादरम्यान मायलेकांचा मृत्यू झाला असून वडिलांची प्रकृती स्थिर आहे.



  Print






News - Wardha | Posted : 2019-09-06






Related Photos