महत्वाच्या बातम्या

हळदी-कुंकू कार्यक्रमातून महिला सक्षमीकरणाचा नारा

- अहेरी नगरीत सर्व महिला आले एकत्र

- माजी जि.प. अध्यक्ष भाग्यश्री आत्राम यांचा पुढाकार

विदर्भ न्यूज एक्सप्रेस

तालुका प्रतिनिधी / अहेरी : तालुका मुख्यालयातील इंडियन पॅलेस फंक्शन हॉल येथे माजी जि.प. अध्यक्ष भाग्यश्री आत्राम यांच्या अध्यक्षतेखाली मंगळवारी तीळ-गुळ व हळदी-कुंकू कार्यक्रमाचे आयोजन करण्यात आले. यानिमित्य पारंपरिक सणाला आधुनिकतेची जोड देत महिला सक्षमीकरण, स्वसंवरक्षण यावर जनजागृती करण्यात आली. या कार्यक्रमात विविध क्षेत्रात कार्याचा ठसा उमटविणाऱ्या महिलांनी मोठ्या संख्येनी सहभाग घेतला.

मकर संक्रांती निमित्य मंगळवारी अहेरी येथील इंडियन पॅलेस फंक्शन हॉल येथे आयोजित हळदी कुंकू कार्यक्रमात महिलांची ओटी भरून त्यांना वाण देण्यात आले. त्यानंतर महिला सक्षमीकरणबाबत जनजागृतीपर विचार मांडून स्वसंवरक्षणबाबत मार्गदर्शन करण्यात आले. तसेच अनेक मनोरंजनात्मक कार्यक्रम घेण्यात आले. यावेळी विविध क्षेत्रात कार्याचा ठसा उमटविणाऱ्या व विविध समाजातील जवळपास ८०० महिलांची उपस्थिती होती.

सार्वजनिक हळदी कुंकू‎ कार्यक्रमातून विविध सामाजिक‎ संदेश देत एका अनोख्या पध्दतीने‎ संक्रांत साजरी केली.‎ मकरसंक्रांत म्हंटले की,‎ महिलांचा जिव्हाळ्याचा विषय‎ येतो. संक्रांतीनिमित्य महिला‎ आपल्या घरी हळदी कुंकू कार्यक्रम‎ ठेवत वाण म्हणून एकमेकींना‎ भेटवस्तू देतात. मात्र, माजी जि.प. अध्यक्ष भाग्यश्री आत्राम यांनी दरवर्षी प्रमाणे याही वर्षी पारंपारिक पद्धतीमध्ये‎ थोडा बदल करत सर्व महिलांना एकत्र‎ करून सार्वजनिक हळदी कुंकू‎ कार्यक्रम घेतले. विशेष‎ म्हणजे केवळ हळदी कुंकू कार्यक्रम‎ न ठेवता सदर कार्यक्रमाअंतर्गत‎ विविध सामाजिक संदेशाची‎ वाणाच्या रूपात देवाणघेवाण केली.‎‎‎‎‎‎‎‎‎‎‎‎‎‎‎

या कार्यक्रमात पैठणीचा जिंकू मान,हळदी कुंकवाचे लुटू वाण, महिला बघिनिंचा सन्मान आनंदाला येईल उधाण. या संकल्पनेतून लकी ड्रॉ काढून विजेत्या महिलेला सोन्याची नथ व एक पैठणी बक्षीस देण्यात आले. कार्यक्रमाच्या यशस्वीतेसाठी राष्ट्रवादी महिला व युवती काँग्रेसच्या सदस्यांनी परिश्रम घेतले.

विधवा महिलांचा केला सन्मान -

भारतीय संस्कृतीत हळदी कुंकुला विशेष महत्त्व आहे. हळदी कुंकू म्हणजे सौभाग्याचे लेण. पण, आज ही प्रथा आकुंचित झालेली आहे. हळदी कुंकच्या निमित्याने स्त्रिया एकत्र येऊन एकमेकांविषयी आदर आणि प्रेमभाव व्यक्त करतात. मात्र, विधवा स्त्रियांना हळदी कुंकू कार्यक्रमात सहभागी करून घेतले जात नाही. या कार्यक्रमात भाग्यश्री यांनी त्यांना हळदी कुंकुचा मान दिल्याने त्यांच्या चेहऱ्यावर हास्य उमलले.