एसटी बसचे तिकीटही मिळणार ‘पेटीएम’ वर


वृत्तसंस्था / मुंबई :   अग्रगण्य मोबाइल वॉलेट ॲप ‘पेटीएम’ने ‘महाराष्ट्र राज्य परिवहन महामंडळा’शी (एसटी) भागीदारी केली असून आता प्रवाशांना पेटीएम वरून बसचे तिकीट बुक करता येणार आहे. यामुळे  ऑनलाइन पद्धतीने प्रवाशांचा प्रवास अधिक सुखकर आणि वेळ वाचवणारा होणार आहे. 
पेटीएमसोबत झालेल्या भागीदारीमुळे आता प्रवासी पेटीएम ॲप आणि वेबसाइटवरून तिकिटे आरक्षित करू शकणार आहेत. याद्वारे प्रवासी शिवशाही, एसी-शिवनेरी, नाइट एक्स्प्रेस, ऑर्डिनरी एक्स्प्रेस, डे ऑर्डिनरी, शिवशाही स्लीपर, सेमी लक्झरी आदी बसचे तिकीट आरक्षित करु शकतात.  
 बसच्या प्रवाशांना सुलभतेने आणि सोयीस्कररीत्या बस तिकीट आरक्षित करता यावे यासाठी आमच्या प्लॅटफॉर्मचा उपयोग करता येणार आहे. महाराष्ट्र आणि शेजारच्या काही राज्यांमधील बस सेवांमध्ये तिकिटे आरक्षित करण्यासाठी प्रवासी पेटीएम ॲप  आणि वेबसाइटवरून तिकिटे आरक्षित करू शकतील अशी प्रतिक्रिया पेटीएमचे उपाध्यक्ष अभिषेक राजन यांनी दिली. 



  Print






News - Rajy | Posted : 2019-09-03






Related Photos