गौरी विसर्जनासाठी कठाणी नदीवर महिलांनी केली गर्दी


विदर्भ न्यूज एक्सप्रेस
शहर प्रतिनिधी /गडचिरोली :
हरीतालिका तृतीया निमित्त काल १ सप्टेंबर रोजी घरोघरी स्थापना करण्यात आलेल्या गौरींचे विसर्जन आज २ सप्टेंबर रोजी करण्यात येत आहे. यामुळे आरमोरी मार्गावरील कठाणी नदीवर महिलांची मोठ्या प्रमाणात गर्दी आहे.
काल गौरी पुजनासाठी सुध्दा महिलांनी नदीवर गर्दी केली होती. आज गौरींचे विसर्जन करून घरोघरी गणरायाची प्रतिष्ठापणा केली जाणार आहे. शहरातील महिला कठाणी नदीवर गौरीचे विसर्जन करतात. यासाठी पोलिसांनी चोख बंदोबस्त ठेवला आहे. सकाळपासूनच महिलांची रिघ लागली आहे. सध्या नदी दुथडी भरून वाहत असल्यामुळे पाण्याच्या प्रवाहापासून दूर राहून विसर्जन करण्याचे आवाहन करण्यात आले आहे. आज दिवसभर गौरी विसर्जनानिमित्त नदीवर गर्दी राहणार आहे.

 



  Print






News - Gadchiroli | Posted : 2019-09-02






Related Photos