सर्वोदय विद्यालयात सायबर क्राईम आणि आहार विषयक मार्गदर्शन
विदर्भ न्यूज एक्सप्रेस
प्रतिनिधी / बल्लारपूर : २७ जानेवारी ला स्थानिक सर्वोदय विद्यालय बल्लारपूर येथे सायबर क्राईम आणि आहार विषयक मार्गदर्शनाचा कार्यक्रम आयोजित करण्यात आले. या प्रसंगी शाळेच्या मुख्याध्यापिका गजभे, बल्लारपूर पोलीस स्टेशन चे सहाय्यक पोलीस निरीक्षक प्राची राजूरकर , तसेच स्त्री रोग तज्ञ अनुमिता हिवरे तसेच सेवानिवृत्त शिक्षक पंदीलवार उपस्थित होते.
सहाय्यक पोलीस निरीक्षक प्राची राजूरकर यांनी सायबर क्राईम, मोबाईलचे दुष्परिणाम, पोस्को कायदा तसेच इतर संबंधित कायदे विषयी माहिती दिली. तसेच अनुमिता हिवरे यांनी आहार विषयक माहिती, मुलांचे शारीरिक आरोग्य, किशोरवयीन मुलींच्या समस्या, बदलत्या जीवनशैलीमुळे होणारे आजार यावर विद्यार्थ्यांना मार्गदर्शन केले.
कार्यक्रमाचे संचालन शिक्षिका मेघा खान यांनी तर आभार प्रदर्शन शिक्षिका बुटले यांनी केले. कार्यक्रमात शाळेचे शिक्षक वृंद, शिक्षकेत्तर कर्मचारी व बहुसंख्य विद्यार्थी उपस्थित होते.
News - Chandrapur