महत्वाच्या बातम्या

गोंडवाना सैनिकी विद्यालयात प्रजासत्ताक दिन उत्साहात साजरा

विदर्भ न्यूज एक्सप्रेस
प्रतिनिधी / गडचिरोली : स्थानिक गोंडवाणा सैनिकी विद्यालयामध्ये २६ जानेवारी ला प्रजासत्ताक दिन मोठ्या उत्साहात साजरा करण्यात आला. कार्यक्रमाच्या सुरवातीला कार्यक्रमाचे अध्यक्ष तथा विद्यालयाचे मुख्याध्यापक संजीव गोसावी प्रमुख पाहुणे अविनाश शंकदरवार, उपमुख्याध्यापक ओमप्रकाश संग्रामे, पर्यवेक्षक अजय वाणखेडे सैनिकी निदेशक ऋषि वंजारी व नामदेव प्रधान यांच्या उपस्थिती उद्देशीकेचे सामूहिक वाचन करण्यात आले.

विद्यालयाचे सैनिकी निदेशक ऋषि वंजारी व नामदेव प्रधान यांच्या मार्गदर्शनात व मुख्याध्यापक संजीव गोसावी यांच्या हस्ते ध्वजारोहनाची कार्यवाही पार पडली. ध्वजारोहनांनंतर विद्यालयातील विविध क्षेत्रात उत्तम कामगिरी केलेल्या कडेट्स चे मान्यवरणाच्या हस्ते गौरव करण्यात आले. प्रमुख अतिथींच्या हस्ते सर्व विद्यार्थ्यांना मिठाईचे वाटप करण्यात आले.

कार्यक्रमाचे संचालन राकेश चडगुलवार यांनी केले तर आभार रविंद्र कोरे यांनी केले.