चंद्रपुरात ठाकरे गटाचे युवासेना शहर प्रमुखाची हत्या
विदर्भ न्यूज एक्सप्रेस
प्रतिनिधी / चंद्रपूर : २५ जानेवारी ला शिवा वझरकर यांची धारदार चाकुने रात्री ९ वाजता चा सुमारास हत्या करण्यात आली. प्रजासत्ताक दिनाच्या पुर्वसंध्येला झालेल्या या हत्येमध्ये शिवसेना चे वाहतुक सेना जिल्हाध्यक्ष स्वप्निल काशिकर, हिमांशू कुमरे, चैतन्य आसकर, रिवान पठाण, नाजीर खान, रोहीत पितरकर, सुमित दाते, अन्सार खान यांचेवर भादंवी ३०२, १४९, १४३, १४७ व मपोअ अंतर्गत १३५ चा गुन्हा दाखल करण्यात आला आहे. २५ वर्षीय शिवाच्या हत्येमुळे शहरात खळबळ माजली आहे.
सविस्तर वृत्त असे की, मृत शिवा मिलींद वझरकर अरविंद नगर चंद्रपूर, हा ठेकेदारी करीत होता. शिवा वझरकर व त्याचा मित्र हिमांशु कुमरे हे दोन वर्षाआधी स्वप्निल काशिर यांचेकडे ठेकेदारीचे काम पाहत होते. नंतर पैशाच्या कारणावरून स्वप्निल काशीकर यांचेकडे काम करणे सोडले. दोन वर्षापुर्वी स्वप्निल काशिकर याने बुटेल इलेक्ट्रा ही मोसा गाडी शिवा वझरकर यांचे नावानी लोनवर विकत घेतली ती मोसा स्वप्निल काशिकर यांच्या ताब्यात असुन त्याची ईएमआय स्वप्निल भरत नसल्याकारणाने त्यांच्यात नेहमी वाद होत होता. आता हिंमाशु कुमरे व स्वप्निल काशिकर हे दोघे मिळून ठेकेदारीचे काम करतात. शिवाने स्वप्निल काशिकर कडे काम करणे सोडल्यामुळे यांचे पटत नव्हते व दोघांमध्ये नेहमी वाद होत असायचे.
प्रजासत्ताक दिनाच्या पुर्वसंध्येला रात्रो ८ वाजता लॉ कॉलेज परिसरात शिवा वझरकर व त्यचे अन्य मित्र उभे असतांना हिमांशु कुमरे याचा शिवा ला फोन आला व त्याने शिवाला शिवीगाळ करणे सुरू केले. या वादात हिंमाशु कुमरे याने शिवाला स्वप्निल काशिकर याचे कार्यालयापाशी बोलावले. त्यावेळी वरील सर्व आरोपी त्याठिकाणी उपस्थित होते. सर्व आरोपींनी शिवा व त्याच्या मित्राला घेरून स्वप्निल काशिकर ने हिमांशु कुमरेला आपल्या कार्यालयात घेवून गेला तेथून हिमांशु ने एक लोखंडी चाकु घेवून आला व हिमांशु ने लोखंडी चाकुने शिवा वर वार केले. त्यात शिवा खाली पडला. त्यानंतर उपस्थित सर्व आरोपींनी शिवाला लाथा-बुक्यांनी मारहाण केली. शिवा च्या मित्रांनी नंतर शिवाला एका खाजगी दवाखान्यात नेले असता त्याला त्याठिकाणी मृत घोषित करण्यात आले.
रामनगर पोलिसांनी स्वप्निल काशिकर, हिमांशू कुमरे, चैतन्य आसकर, रिवान पठाण, नाजीर खान, रोहीत पितरकर, सुमित दाते, अन्सार खान यांचेवर भादंवी ३०२, १४९, १४३, १४७ व मपोअ अंतर्गत १३५ गुन्हा दाखल केला असुन या घटनेने चंद्रपूर शहरात स्वप्निल काशिकर या गुंडाची गुंडगिरी कुठपर्यंत चालणार अशी चर्चा सुरू झाली आहे.
News - Chandrapur