महत्वाच्या बातम्या

फायनान्स कंपनीचा कर्मचारी असल्याची बतावणी करून वाहने विक्री करणारी टोळी जेरबंद

- स्थानिक गुन्हे शाखा, चंद्रपुर ची कामगिरी

विदर्भ न्यूज एक्सप्रेस

प्रतिनिधी / चंद्रपूर : जिल्ह्यामध्ये होत असलेल्या अवैध धंद्यांची माहिती काढून त्यावर कार्यवाही करण्याचे आदेश रविंद्रसिंग परदेशी पोलीस अधिक्षक चंद्रपुर, रिना जनबंधु अपर पोलीस अधिक्षक चंद्रपुर यांनी दिले होते. त्याअनुषंगाने स्थानिक गुन्हे शाखेचे पोलीस निरीक्षक महेश कोंडावार यांचे नेतृत्वात स्थानिक गुन्हे शाखेचे एक पथक अवैध धंद्यांची माहिती काढून त्यावर कार्यवाही करण्याची मोहीम राबवित होते. दरम्यान सदर पथकाला गोपनिय माहिती मिळाली की, काही इसमांची टोळी नविन शोरूम विना कागदपत्रांच्या दुचाकी चारचाकी वाहनांची विक्री करून शासनाची तसेच फायनान्स कंपन्यांची फसवणूक करीत आहेत.

अशी खात्रिशिर माहिती मिळाल्याने वरिष्ठांच्या मार्गदर्शनात सदर पथकाने सखोल माहिती मिळवून तीन इसमांना वेगवेगळ्या ठिकाणाहुन ताब्यात घेण्यात आले. आशिष रमेश सहारे, रा. सावरगांव, ता. नागभिड, जि. चंद्रपुर, पवन मोहनलाल साहू, रा. संत कबिर चौक, सिगोडी, ता. अमरवाड़ा, जि. छिंदवाडा, संदिप चम्फारलाल कनासिया, रा. बनेरा, ता. कटंगी, नि. बालाघाट, त्यांची चौकशी केली असता आरोपीनी चंद्रपुर जिल्ह्यात अनेक दिवसांपासून विविध कंपनिच्या विना कागदपत्रांच्या दुचाकी-चारचाकी वाहनांची विक्री करून शासनाची तसेच फायनान्स कंपनीची फसवणूक केली. यामध्ये फिर्यादी नारायण मोहन पर्वते, रा. बलनी मेंद्रा, ता.नागभिड, जि. चंद्रपुर यांची तब्बल १८ लाख रू. ची फसवणुक झाल्याचे स्थागुशा पथकाने त्यांचे लक्षात आणून दिल्याने त्यांनी दिलेल्या फिर्याद वरून पोलीस ठाणे रामनगर, चंद्रपुर येथे गुन्हा रजिस्टर क्रमांक १५/२०२४ कलम ४२०, ४०६, ३४ भादंवि. अन्वये गुन्हा दाखल करण्यात आला.

आरोपींना ताब्यात घेवून सखोल चौकशी करून चंद्रपुर जिल्ह्यात विक्री केलेल्या ०१ स्कॉर्पीओ, ०९ ट्रॅक्टर, १४ दुचाकी वाहने असे एकुण १६ बाहने किंमत अंदाजे ३२ लाख २० हजार रू. चा मुद्देमाल जप्त करण्यात आले.

पुढिल तपास स्थानिक गुन्हे शाखेचे पोलीस उपनिरीक्षक विनोद भुरले हे करीत आहेत. सदरची कामगिरी पोलीस अधिक्षक, चंद्रपुर, अपर पोलीस अधिक्षक, चंद्रपुर यांचे मार्गदर्शनात स्थानिक गुन्हे शाखेचे पोलीस निरीक्षक महेश काँडाचार, यांचे नेतृत्वात जितेंद्र बोबडे, नागेशकुमार चतरकर, विनोद भुरले, दिपक डोंगरे, नापोकों, गणेश भोयर, संजय वाढई, गोपीनाथ नरोटे, सतीश बगमारे, प्रदिप महावी, दिनेश आराडे, सिसिटीएनएस चे पोहवा गोपाल पिंपळशेंडे, सायबर पोलीस स्टेशनचे अमोल सावे, छगन र्जाभुळे, प्रशांत लारोकर यांनी केली आहे.

पोलीस अधिक्षक, रविंद्रसिंग परदेशी साहेब यांचेतर्फे जिल्ह्यातील सर्व नागरीकांना आवाहन करण्यात येते की, कोणतेही याहन खरेदी करतांना शोरूम मधून त्या वाहनाची माहिती घ्यायी, कागदपत्रांची पडताळणी करावी, कोणालाही याहन मिळवून देतो म्हणून आपले कागदपत्रे देवू नये तसेच या संबंधाने कुणीही आपलेकडे आल्यास तात्काळ संबधित पोलीस स्टेशनला कळवावे.