महत्वाच्या बातम्या

महाविद्यालय व विद्यार्थ्यांना शिष्यवृती योजनेचे अर्ज भरण्याचे आवाहन

विदर्भ न्यूज एक्सप्रेस

प्रतिनिधी / वर्धा : सन २०२३-२४ शैक्षणिक सत्रासाठी मॅट्रीकोत्तर शिष्यवृती अर्ज भरण्यासाठी महाडीबीटी पोर्टल सुरू करण्यात आले आहे. महाविद्यालयात मॅट्रीकोत्तर प्रवेशित असलेल्या सर्व अनुसूचित जमातीच्या विद्यार्थ्यांचे भारत सरकार शिष्यवृत्ती, फ्रीशिप, व्यावसायिक शिक्षण शुल्क प्रतिपूर्ती, व्यावसायिक शिक्षण देखभाल भत्ता योजनेसंबंधीचे अर्ज कागदपत्रे अपलोड करुन तत्काळ भरण्याचे आवाहन करण्यात आले आहे.

शैक्षणिक सत्र २०१९-२०, २०२०-२१, २०२१-२२ व २०२२-२३ मधील प्रलंबित शिष्यवृती अर्ज निकाली काढण्यासाठी महाविद्यालयांना वारंवार सूचना देण्यात आल्या आहेत. त्याअनुषंगाने महाविद्यालयांनी प्रलंबित अर्ज तात्काळ प्रकल्प कार्यालयाच्या लॉगीनवर पाठविण्यात यावे.

शैक्षणिक सत्र सन २०२३-२४ शिष्यवृत्तीचे परीपुर्ण अर्ज विहित मुदतीत प्रकल्प कार्यालयास मंजुरीस पाठविण्यात यावे. विहित मुदतीत अर्ज सादर न केल्यामुळे विद्यार्थी शिष्यवृत्तीपासून वंचित राहिल्यास त्याची जबाबदारी या कार्यालयाची राहणार नाही, असे एकात्मिक आदिवासी विकास प्रकल्पाचे प्रकल्प अधिकारी दिपक हेडाऊ यांनी कळविले आहे.