मुंबईतील स्त्री शक्ती सन्मान महोत्सवात गडचिरोलीच्या महिलांचा सन्मान


विदर्भ न्यूज एक्सप्रेस 
प्रतिनिधी / गडचिरोली :
भारतीय जनता पार्टी महिला मोर्चा महाराष्ट्र प्रदेशच्या वतीने आयोजित 'नाते विश्वासाचे प्रगतीशील महाराष्ट्राचे' या उपक्रमा अंतर्गत मुंबई येथे नारी शक्ती सन्मान महोत्सव कार्यक्रम मंगळवार २० ऑगस्ट रोजी पार पडला. या महोत्सवात गडचिरोलीच्या महिलांचा सन्मान करण्यात आला. 
 मुंबई येथे आयोजित शक्ती सन्मान महोत्सवात गडचिरोली येथील भारतीय जनता पार्टीच्या महिला मोर्चाचे पदाधिकारी मोठ्या संख्येने सहभागी झाल्या होत्या. राज्यभरातील महिलांचा सन्मान करून त्यांच्या सुरक्षेची जबाबदारी घेण्यासाठी या नारी सन्मान महोत्सवाचे आयोजन करण्यात आले होते. या कार्यक्रमात भाजपा महिला मोर्चा गडचिरोलीच्या जि.प. अध्यक्ष योगिता भांडेकर, गडचिरोलीच्या नगराध्यक्ष योगिता पिपरे, देसाईगंजच्या नगराध्यक्ष शालू दंडवते, अहेरीच्या नगराध्यक्ष हर्षा ठाकरे, मालू तोडसाम, चिणमवार, सुनिता चांदेकर, प्रेमी वालदे, संगीता रेवतकर, अश्विनी दोनाडकर, माधुरी चिमुरकर, जयश्री मडावी, दुर्गा मंगर, पुष्पा उरकुडे, निलिमा राऊत, पेशेट्टीवार, अनिता रॉय तसेच तालुका कार्यकारिणीच्या महिला मोठ्या संख्येने उपस्थित होत्या. 
यावेळी या माध्यमातून राबविण्यात आलेल्या स्त्री सन्मान महोत्सवातंर्गत मुख्यमंत्री व महिला मतदारांना थेट एकमेकांशी जोडून महिलांच्या मताचा पाठिंबा वाढविणे हा मुख्य उद्देश होता. जिल्ह्यात जिल्हा व विधानसभा स्तरावर संयोजकांचे टिम तयार करून त्या माध्यमातून ही योजना भाजपा महिला आघाडीतर्फे राबविण्यात आली. महिलांच्या सुरक्षिततेच्या दृष्टीने पंतप्रधान सुरक्षा विमा योजनेतंर्गत १२ रुपयांमध्ये १८ ते ७० वर्ष वयोगटातील महिलांचा वैयक्तिक विमा प्रदान केला जाणार आहे. यासाठी लीड बॅंकेची नियुक्ती केली आहे. आजच्या युगामध्ये महिलांना सामाजिक सुरक्षिततेची जाणिव व्हावी हा केंद्र व राज्य शासनाचा दृष्टीकोन असून त्या दृष्टीने जिल्ह्यातील असंख्य महिलांना याचा लाभ होणार असल्याची माहिती जि.प. अध्यक्ष योगिता भांडेकर यांनी दिली.  



  Print






News - Gadchiroli | Posted : 2019-08-22






Related Photos