संभाजी ब्रिगेड बल्लारपूर तर्फे सावित्री-जिजाऊ दशरात्रौत्सव सोहळा साजरा
विदर्भ न्यूज एक्सप्रेस
प्रतिनिधी / बल्लारपूर : संभाजी ब्रिगेड बल्लारपूर च्या वतीने ३ जानेवारी ते १२ जानेवारी हे पर्व सावित्री-जिजाऊ दशरात्रौत्सव सोहळा या नावाने बल्लारपूर शहरामध्ये अत्यंत उत्साहाने साजरा केला जातो. यामध्ये राजमाता जिजाऊ, क्रांतिज्योती सावित्रीबाई फुले, मा.फातिमा शेख, मातोश्री रमाई यांची संयुक्त जयंती साजरी केली जाते. ह्याच सांस्कृतिक पर्वाच्या औचित्याने बल्लारपूर शहरातील झाशी राणी चौक येथे विविध कार्यक्रमाचे आयोजन करण्यात आले होते.
१२ जानेवारी राजमाता जिजाऊ माँ साहेब यांच्या ४२६ व्या जयंतीनिमित्त संभाजी ब्रिगेड बल्लारपूर तर्फे रांगोळी स्पर्धा व महिलांचे सांस्कृतिक कार्यक्रम घेण्यात आले. हरियाणात झालेल्या राष्ट्रीय कराटे चॅम्पियन स्पर्धेत कांस्य पदक पटकविल्याबद्दल बल्लारपूर येथील आरुष चौधरी याचा सत्कार करण्यात आला.
कार्यक्रमाचे अध्यक्ष मराठा सेवा संघ चंद्रपूर चे कार्याध्यक्ष मनोहर माडेकर यांच्या हस्ते विवेकानंद वार्ड, झाशी राणी चौक येथे संभाजी ब्रिगेडच्या पहिल्या वार्ड शाखेचे उद्घाटन झाले. शाखा प्रमुख म्हणून सुभाष पोटे यांची नियुक्ती करण्यात आली. शिवसेनेचे उपजिल्हाप्रमुख विनोद उर्फ सिक्की यादव कार्यक्रमाचे विशेष अतिथी होते, प्रमुख पाहुणे म्हणून विवेकानंद वार्डातील सामाजिक क्षेत्रात अग्रेसर असणारे आतिक शेख, मराठा सेवा संघाचे तालुकाध्यक्ष राजेंद्र गौरकार, रुचिका बहुउद्देशीय सामाजिक संस्थेच्या अध्यक्षा सुमन कळस्कर यांची उपस्थिती होती.
यावेळी संभाजी ब्रिगेडचे शहर अध्यक्ष साहिल घिवे, कार्याध्यक्ष संकेत चौधरी, गणेश मसराम, सचिव प्रतीक वाटेकर, निखिल वडस्कर, उपाध्यक्ष पवन राजगडे, रितिक कोंडलेकर, प्रवक्ते प्रणय वाटेकर, रोहित चुटे यांच्यासह अक्षय पुप्पलवार, मयूर पोडे, शुभम मानकर, निलेश सुर, कुणाल क्षिरसागर, प्रणय कष्टी, दुर्गेश चीटमलवार व इतर पदाधिकारी आणि सदस्य उपस्थित होते.
News - Chandrapur