वाघाच्या हल्ल्यात दोन गायी ठार तर दोन जखमी


विदर्भ न्यूज एक्सप्रेस 
प्रतिनिधी / साखरी :
सावली तालुक्यातील जिबगाव येथील जंगल परिसरात  वाघाने गायीच्या कळपावर हल्ला करून दोन गायी गाय ठार तर दोन गाईंना जखमी केल्याची घटना १९ ऑगस्ट  रोजी दुपारच्या सुमारास घडली.
जिबगाव येथील गुराख्याने परिसरातील झुडपी जंगलात गाई चारण्यासाठी घेऊन गेला असता झुडपात  दबा  धरून बसलेल्या वाघाने अचानक कल्पावर हल्ला  करून दिलीप चुधरी व  गोमण मेश्राम यांच्या गायींना ठार केले तर तुळशीदास चुधरी व गोमन मेश्राम यांच्या गाईंना गंभीर  जखमी केले.  याची माहिती वनपरिक्षेत्र कार्यालय सावली यांना देण्यात आली असता वनपाल बुरांडे व इतर कर्मचाऱ्यांनी घटनास्थळी येऊन पंचनामा केला.  जखमी गायींवर  पशुवैद्यकीय अधिकारी  सिडाम व पशुवैद्यकीय अधिकारी भालेराव  यांच्याद्वारे  पुढिल उपचार सुरू आहे.  पुढील चौकशी वनरक्षक चौधरी  करीत आहेत.
 याच परिसरात मागील दोन वर्षांपूर्वी सिर्सी येथील लहान बालिकेला वाघाने उचलून नेऊन ठार केले होते आणि आता  जंगल परिसरात गायीच्या कळपावर  वाघाने हल्ला केल्याने परिसरातील जनता वाघाच्या दहशतीत  असून या गंभीर बाबीकडे संबंधित विभागाने त्वरित लक्ष घालून वाघाचा बंदोबस्त करावा अशी मागणी परिसरातील  नागरिकांनी केली आहे. 



  Print






News - Chandrapur | Posted : 2019-08-21






Related Photos