सेव्ह मेरिट सेव्ह नेशन तर्फे आमदार नाना शामकुळे यांच्या कार्यालयासमोर घंटानाद


विदर्भ न्यूज एक्सप्रेस 
प्रतिनिधी / चंद्रपूर : 
आज  १८ ऑगस्ट रोजी सेव्ह मेरिट सेव्ह नेशन तर्फे चंद्रपूर शहराचे आमदार नाना  शामकुळे यांच्या कार्यालयासमोर   गंज वार्ड, चंद्रपूर येथे भव्य घंटानाद आंदोलन  करण्यात आले.  
या आंदोलनात  सर्व जाती - धर्माच्या लोकांनी सहभाग घेतला. सर्वप्रथम या घंटानाद आंदोलनामध्ये सम्मिलीत होणारे सर्व नागरिक हे आझाद गार्डेन येथे एकत्रित झाले आणि तेथून ताट आणि चम्मच वाजवत आझाद गार्डन पासून आमदार नाना श्यामकुळे यांच्या कार्यालयापर्यंत  पायी चालत गेले. मोर्चामध्ये सहभागी झालेल्या नागरिकांनी आमदार नाना श्यामकुळे यांच्या कार्यालयाजवळ येऊन आमदार नाना श्यामकुळे यांना लिखित निवेदन दिले.    आंदोलन प्रतिकात्मक आंदोलन असून या मध्ये ८०० ते १००० च्या वर नागरिकांनी सहभाग घेतला व ५ वर्षाची  लहान मुले व महिला या आंदोलन मध्ये उपस्थित होते. आ.  शामकुळे यांनी  या आंदोलनाला उत्तम प्रतिसात दिला व त्यानी कार्यालयातून बाहेर  येवून घंटानाद  निवेदन स्वीकारले. मुख्यमंत्री आणि पालकमंत्री यांच्याशी या मुद्द्यावार चर्चा करणार असे सांगितले. सर्व प्रशासकीय आणि औपचारिक परवानगी मिळवण्याबाबत आ. नाना  शामकुळे यांनी स्वःत सहकार्य केले. हे आंदोलन कोणत्याही  जाती किंवा धर्म विरोधी नसून, कोणत्याही राजकीय पक्ष विरोधी नव्हते.  आंदोलन कोणत्याही जाती समूहाच्या विरुद्ध नसून   मेरिट मध्ये आलेल्या विध्यार्थ्यांच्या न्याय हक्कासाठी होते. मग ते कोणत्याही धर्माचे किंवा जातीचे असो. हे  संपूर्ण घंटानाद आंदोलन मेरिट मध्ये आलेल्या विद्यार्थ्यांशी जुळलेले आहे. या आंदोलनाची सुरुवात होण्याचे प्रमुख कारण म्हणजे महाराष्ट्रातील आरक्षण हे ७५  टक्के च्या वर गेले असून त्यामुळे सर्वच जाती आणि प्रवर्गातील गुणवंत विद्यार्थ्यांची परवड होत आहे. आतापर्यंत सर्वाधिक आरक्षण असलेले केवळ तामिळनाडू हे राज्य होते. घटना दुरुस्ती करून हे आरक्षण देण्यात आले होते. मात्र महाराष्ट्र  राज्य हे आता सर्वाधिक आरक्षण असलेले राज्य ठरलेले आहे. याचा परिणाम असा होत आहे कि खुल्या प्रवर्गातील गुणवंत विद्यार्थ्यांना अनेक महत्वाच्या सरकारी शिक्षण संस्थांमध्ये प्रवेश मिळेनासा झाला आहे. हा प्रश्न फक्त खुल्या प्रवर्गाच्या मेरिट विद्यार्थ्यांचा नसून सर्व जाती समूहातील मेरिट विद्यार्थ्यांना त्यात प्रवेश मिळण्याबाबतचा आहे. गुणवत्ता मरत असेल तर त्यात देशाचे नुकसान आहे. चंद्रपूर जिल्ह्यातील सर्व तालुक्यातून या मोर्चाला प्रचंड पाठिंबा मिळत आहे. सेव्ह मेरिट सेव्ह नेशन  च्या काही प्रमुख मागण्या आहेत . यामध्ये आरक्षण हे ५० टक्के  च्या पुढे असून नये, या आंदोलनाचा पन्नास टक्के आरक्षणाला विरोध नाही मात्र  दर पाच वर्षांनी आरक्षण धोरणाचे पुनर्विलोकन होणे आवश्यक आहे. आरक्षण खरेच गरजूला मिळतेय का हे बघितले जावे.  क्रिमीलेयर ची मर्यादा सर्वांना आखून देण्यात यावी,  त्यात कुणालाही सूट असू नये, ५० टक्के  आरक्षणाला आमचा विरोध नाही,  मागेल त्याला आरक्षण याचे सेव्ह मेरिट सेव्ह नेशन  विरोध करते, या अगोदरही  २० जुलै २०१९ ला चंद्रपूर शहरात  भव्य मोर्चा निघाला होता.  ज्यामध्ये चंद्र्पुर शहरातील २५ हजार हुन अधिक नागरिकांनी भाग घेतला आणि सेव्ह मेरिट सेव्ह नेशन च्या उद्देशाला समर्थन केले. 



  Print






News - Chandrapur | Posted : 2019-08-18






Related Photos