महत्वाच्या बातम्या

 वयाचे शंभर वर्ष पूर्ण केलेल्या मतदारांचे दस्तऐवज जतन करुन ठेवावे


विदर्भ न्यूज एक्सप्रेस 
प्रतिनिधी / वर्धा : मतदार यादीतील १०० वर्षाच्या वरील मतदारांची पडताळणी करुन निवडणूक विषयक दस्ताऐवजांचे नीटपणे संकलन आणि जतन करुन ठेवावे,अशा सूचना जिल्हाधिकारी यांनी निवडणूक विभागाला केल्या आहे.

त्याचबरोबर जानेवारीला प्रसिध्द होणाऱ्या अंतीम मतदार यादीमध्ये आयोगाकडुन सुधारणा करुन सुधारीत मतदार यादी २२ जानेवारी पर्यंत प्रसिध्द करण्यात येणार आहे. आगामी काळात लोकसभेची सार्वत्रिक निवडणुक होणार आहे. त्याअनुषंगाने ८० वयोगटातील मतदारांचे मतदान केंद्रस्तरीय अधिकारी यांच्याकडून वर्धा विधानसभा मतदार संघातील प्रत्येक ८० वयोगटातील मतदारांची देखील पडताळणी होणार असुन जे मतदार मरण पावलेले आहे, अशा मतदारांच्या कुंटूंबातील संबंधित व्यक्तीकडुन माहिती संकलीत करुन त्यांचे नमुना ७भरुन योग्य ते दस्ताऐवजांचे पडताळणी करुन नावाची वगळणी करण्यात येणार आहे.

८० वयोगटातील मतदार यादीतील नाव, वय, जन्म दिनांक इत्यादी माहितीसाठी दुरुस्ती किंवा बदल  करावयाचा आहे, अशा मतदारांचा देखील दुरुस्तीचा नमुना ८ मतदान केंद्रस्तरीय अधिकारी यांच्याकडून भरुन घ्यावा, असे आवाहन मतदार नोंदणी अधिकारी तथा उपविभागीय अधिकारी दिपक कारंडे यांनी केले आहे.





  Print






News - Wardha




Related Photos