महत्वाच्या बातम्या

उद्योग संचालनालयामार्फत मुख्यमंत्री रोजगार निर्मिती कार्यक्रम गतिमान करण्यासाठी गतिमानता पंधरवडाचे आयोजन

विदर्भ न्यूज एक्सप्रेस

प्रतिनिधी / गडचिरोली : उद्योग संचालनालयामार्फत मुख्यमंत्री रोजगार निर्मिती कार्यक्रम गतिमान करण्यासाठी गतिमानत पंधरवडा १८ डिसेंबर, २०२३ ते ०२ जानेवारी, २०२४ घोषीत केला आहे. शहरी व ग्रामीण भागात सुशिक्षीत युवक युवतींना स्वयंरोजगार व रोजगाराच्या संधी उपलब्ध करण्याकरीता मुख्यमंत्री रोजगार निर्मीती कार्यक्रम(CMEGP) बँकव्दारा कर्ज पुरवठयासह अनुदान सहाय्य मिळण्याची आखणी करण्यात आलेली असून त्याव्दारे उद्योजगतेला चालना देण्यात येणार आहे.

मुख्यमंत्री रोजगार निर्मीती कार्यक्रम (CMEGP) अंतर्गत उत्पादन स्वरुपाच्या उद्योगास प्रकल्प मर्यादा रुपये ५० लक्ष असून सेवा व्यवसायाकरीता प्रकल्प मर्यादा रुपये २० लक्ष आहे. बँक व्दारा मंजुर शहरी भागातील राखीव प्रवर्गातील (अनुसूचित जाती/ अनुसूचित जमाती / महिला/अपंग/माजी सैनिक/ ना.मा.प्रवर्ग/भटकेविमुक्त/ अल्पसंख्यांक ) प्रकल्पास २५% तर अराखीव प्रवर्गास १५% अनुदान देय राहणार आहे, तर ग्रामीण भागातील राखीव प्रवर्गास ३५% तर अराखीव प्रवर्गास २५% अनुदान देय राहणार आहे.

मुख्यमंत्री रोजगार निर्मीती कार्यक्रम (CMEGP) योजना जिल्हा उद्योग केंद्र तसेच खादी ग्रामोद्योग मंडळातर्फे राबविण्यात येणार असून इच्छुक युवक / युवतीकडून कर्ज प्रस्ताव ऑनलाईन पध्दतीने स्विकारुन कर्ज प्रकरणे सरकारी बँकसह खाजगी सहयोगी बँकाकडे जिल्हा कार्यबल समितीच्या शिफारसीसह सादर करण्यात येणार आहे.

बँक व्दारा कर्ज मंजुर उमेदवारांना प्रशिक्षणाची सोय सुध्दा करण्यात आलेली आहे. सन २०२३-२४ मध्ये जिल्हा उद्योग केंद्राने ५०० प्रस्ताव शिफारस करुन बँकेला पाठविण्यात आलेले आहे. त्यापैकी १०० चे जवळपास प्रस्ताव बँकेने मंजुर करण्यातआलेले असून, बरेच उद्योजकांनी आपला व्यवसाय सुरु केलेला आहे. तरी गतिमानता पंधरवडा यशस्वी करण्यासाठी जिल्हा उद्योग केंद्रामार्फत जनजागृती मेळावे, महाविद्यालये, तंत्रनिकेतन, तसेच खाजगी औद्योगिक प्रशिक्षण संस्थांमध्ये प्रचार व प्रसिध्दी करण्यासाठी कार्यक्रम आयोजीत केले जात आहे. तरी इच्छुक युवक-युवतींनी या गतिमान पंधरवडाचा लाभ घ्यावा व अधिक माहिती करिता महाव्यवस्थापक, जिल्हा उद्योग केंद्र, येथे संपर्क साधावा.