भामरागडमध्ये पूर वाढण्याची शक्यता, ४ जणांना सुरक्षित ठिकाणी हलविले


- प्रशासनाकडून सतर्कतेचा इशारा
विदर्भ न्यूज एक्सप्रेस
तालुका प्रतिनिधी / भामरागड :
भामरागड तालुक्याला चहूबाजूंनी पुराने वेढले आहे. भामरागडमधील जवळपास २५०  घरे आणि दुकाने पाण्याखाली गेली आहेत. पुराच्या पाण्यात अडकलेल्या ४ जणांना आज सुरक्षितस्थळी हलविण्यात आले आहे. तसेच नागरीकांनी सतर्क राहण्याचा इशारा प्रशासनाकडून देण्यात येत आहे.
भामरागड जवळील पर्लकोटा नदीचा पूर वाढतच आहे. यामुळे महसूल व पोलिस विभाग पुराच्या पाण्यातून नागरीकांना सुरक्षितस्थळी हलविण्यासाठी २४  तास लक्ष ठेवून आहे. अधिकारी बोटीच्या सहाय्याने पाहणी करून लाउडस्पीकरच्या माध्यमातून आवाहन करीत आहेत. नागरीकांसाठी पंचायत समिती, कस्तुरबा गांधी बालिका विद्यालय तसेच इतर शाळांमध्ये राहण्याची तात्पूरती सोय केली आहे. तहसीलदार कैलास अंडील यांच्या मार्गदर्शनात नायब तहसीलदार  निखिल सोनवने, नायब तहसीलदार हेमंत कोकोडे, उपविभागीय पोलिस अधिकारी बरडे, सोनवने, भामरागडचे ठाणेदार संदीप भांड हे बोटीने फिरून नागरीकांना आवश्यक वेळी प्रशासनाकडून मदतीसाठी संपर्क साधावे, असे आवाहन करीत आहेत. 

 



  Print






News - Gadchiroli | Posted : 2019-08-08






Related Photos