भामरागडमध्ये पूरपरिस्थिती बिकट, १०० हुन अधिक घरामंध्ये शिरले पाणी


विदर्भ न्यूज एक्सप्रेस
तालुका प्रतिनिधी / भामरागड :
तालुक्याला मागील २९ जुलैपासून तब्बल चौथ्यांदा पुराचा फटका बसला आहे. काल ७ ऑगस्ट रोजी सकाळपासूनच पर्लकोटा नदीवरील पुल बंद झाल्याने तालुक्यातील १०० गावांचा संपर्क तुटला आहे. तर पुरामुळे भामरागड वासीयांचे चांगलेच हाल होत आहेत. १०० हुन अधिक घरांमध्ये पाणी शिरले आहे. दुकानेसुद्धा पाण्याखाली गेली आहेत. 
मागील दहा दिवसांपासून अनेक दुकाने बंद आहेत. काल बुधवार असल्याने बाजारपेठही बंद ठेवावी लागली. भाजीपाला पोहचला नाही. यामुळे भाजीपाल्याचे दर कडाडले आहेत.   काल पासून पाणी स्थिर आहे. कधी वाढत आहे तर कधी कमी होत आहे. यामुळे शाळांना सुट्टी जाहीर करण्यात आली आहे.   पावसाची रिपरिपही सुरूच आहे.   पोलिस व महसूल विभाग पुरपरिस्थतीवर नजर ठेवून आहेत. नागरिकांनी आपल्या घरातील साहित्य सुरक्षित स्थळी नेले आहेत. मागील काही वर्षापेक्षा यावर्षी बिकट परिस्थिती आहे. 

 



  Print






News - Gadchiroli | Posted : 2019-08-08






Related Photos